Umuyobozi w’abatavuga rumwe n’ubutegetsi muri Uganda, Bobi Wine, yavuze ko atazigera atanga ikirego mu Rukiko avuguruza ibyavuye mu matora
yo kuwa 15 mutarama 2026 , avuga ko adafite icyizere ku butabera, ahubwo yasabye abamushyigikiye kujya mu mihanda kwigaragambya mu mahoro.

Bobi Wine wavuganye na BBC ari mu bwihisho, yavuze ko azakomeza guhangana na Perezida Yoweri Museveni nubwo hari impungenge ku mutekano we.

Uyu mugabo w’imyaka 43 wahoze ari icyamamare mumuzika wa pop, yagize ati: ."Ubutabera muri Uganda bwafashweho ingwate kandi turashishikariza Abanya-Uganda gukoresha uburyo ubwo aribwo bwose bwemewe n’amategeko kugira ngo barwanire kandi barinde demokarasi yabo,"

Museveni w’imyaka 81 yatsinze amatora ku bwinshi kandi yashinje abatavuga rumwe n’ubutegetsi gushaka gusenya ibyavuye mu matora binyuze mu bikorwa by’urugomo, avuga ko ari "iterabwoba".

Yabonye amajwi 72% mu gihe Bob Wine, umukandida bari bahanganye wari kw’isonga ryabari bahanganye nawe kurusha abandi , yabonye 25%.

Mu kiganiro cye, Wine yananenze inzego z’umutekano kuba zararengereye kumategeko yazo zikinjira mu rugo rwe aho umugore we n’abavandimwe be bafungiwe mu rugo. Avuga ko yahunze iwe akajya mu nkengero z’umurwa mukuru, Kampala, ku wa gatanu nijoro ubwo inzego z’umutekano zagabaga igitero iwe.