Leta ya Uganda yatangaje ko igiye kwakira dose zirenga ibihumbi 94 z’umuti ukumira kwandura virusi itera SIDA uzwi nka Lenacapavir Yeztugo, urushinge ruterwa abantu kabiri mu mwaka.

Lenacapavir Yeztugo yakozwe na Gilead Sciences, ikigo cyo muri Leta Zunze Ubumwe za Amerika kimenyerewe mu gukora inkingo. Amasuzuma yakorewe mu bihugu bitandukanye inshuro eshatu bwagaragaje ko warinda virusi itera SIDA ku rugero rwa 99,9% ufashwe buri mezi atandatu.

Ku wa 20 Gashyantare 2026, Guberinoma ya Uganda yatangaje ko mu cyumweru gitaha izakira dose 94.560 mu kwagura “ingamba z’igihugu zo guhangana na virusi itera SIDA.”

Kenya iherutse gutangaza ko yakiriye dose ibihumbi 21 z’uyu muti ku wa 17 Gashyantare.

Muri Nyakanga 2025, ishami ry’Umuryango w’Abibumbye rishinzwe ubuzima (OMS) Lenacapavir tangira gukoreshwa. Ni igisubizo kiruta ibindi kuko umuti usanzwe wifashishwa mu gukumira ubwandu bw’aka gakoko wo unyobwa mu masaha atarenze 72 habayeho imibonano mpuzabitsina idakingiye hagati y’abantu babiri umwe afite ubwandu, urushinge rundi rwo rugaterwa buri mezi abiri.