Perezida Bola Tinubu yatangaje kuri uyu wa Gatatu ushize ko Umugaba Mukuru w’Ingabo za Nigeria, Lt. Gen. Taoreed Abiodun Lagbaja wagize uruhare mu kurwanya umutwe w’intagondwa z’Abayisilamu za Boko Haram yapfuye .

Mu itangazo ryashyizwe kuri X n’Umuvugizi wa Perezida, Bayo Onanuga, Perezida Tinubu yagaragarije umuryango wa Lagbaja ko yifatanyije nawo mu kababaro abikuye ku mutima.

Perezida Tinubu "yifurije Lt. Gen. Lagbaja kuruhukira mu mahoro kandi yishimira uruhare rukomeye yagize mu gihugu".

Lagbaja, wari ufite imyaka 56, "yashizemo umwuka mu ijoro ryo ku wa Kabiri i Lagos nyuma y’igihe arwaye nk’uko itangazo ryakomeje rivuga.