Ababikira babiri bo muri Colombia batawe muri yombi kubera ihohoterwa rikomeye bakoreye abana 65 bari bashinzwe kurera,ubwo babafata bakabatwika ibiganza ndetse bakabategeka gushyira imitwe yabo mu misarani.

Aba babikira batagira umutima,bakoreye aya mahano mu mugi witwa Popayan mu rugo basanzwe bacumbikiyemo aba bana uko ari 65.

Aba bana bagombaga kujya mu bibazo kurushaho,iyo badatabarwa n’abaturanyi babo baturanye n’iki kigo babagamo,babumvise barira cyane ndetse basaba imbabazi aba bihaye Imana,bakabibwira polisi nayo ikaza gukora iperereza.

Aba babikirabatawe muri yombi ni umuyobozi w’iki kigo cy’Imfubyi witwa Sor Ines Perez, na Rosa Elvira Trochez Joaqui.

Aba bana babaga muri iki kigo cyitwa Clara Rebirth Home,basanzwe batwitswe intoki ndetse bategekwa kubika imitwe yabo mu misarani ndetse aba babikira bari babayoboye babogoshe imisatsi yabo mu rwego rwo kubahana.

Abayobozi b’inzego z’ibanze muri Colombia,batangaje ko ibi bikorwa by’aba babikira ari indengakamere ndetse hagomba kujya hakorwa amasuzuma mu bindi bi go bimeze nka Clara Rebirth Home,cyane ko aba bana babasanganye ihungabana rikomeye.

Aba babikira bamaze gufungwa ndetse bategerejwe gushyikirizwa ubushinjacyaha ni ubwo amakuru avuga ko bahakana ibyo baregwa.

Ibi ni ibikoresho byasanzwe mu nzu y’aba babikira