Abagenzi barwaniye muri gari ya moshi yo mu mujyi wa Birmingham bapfuye ko umwe muri bo yajugunye sandwich ku mugore wari wicaye iruhande rwe bikamurakaza.

Mu mashusho yashyizwe hanze ari guca ibintu hirya no hino ku isi,abagenzi bari muri gari ya moshi yo mu mujyi wa Birmingham barwanye karahava bapfuye ko umugenzi yateye sandwich umugore w’abandi,umugabo we ararakara niko gushoza intambara.

Uyu mugabo yagerageje kurengera umugore we wari utewe sandwich,ahita ashoza intambara ikomeye ku mugabo mugenzi we bararwana karahava,aho umugore umwe yagaragaye ari gukubitwa imigeri mu maso.

Abagenzi barwaniye bikomeye muri gari ya moshi ndetse bamwe barakomereka bikomeye,kuko uwageragezaga guhosha izi mvururu yakubitwaga.