Imbangukiragutabara zamaze kugeza ku ngabo za Israel abaturage barindwi ba mbere Hamas yari yaratwaye bunyago.
Bagize ikiciro cya mbere cy’abantu 48 barimo 20 bapfuye baguye mu bunyago bwa Hamas.
Irabakirira mu gikorwa kiri bwitabirwe na Perezida wa Amerika Donal Trump uri bugere i Yeruzalemu mu gitondo cyo kuri uyu wa Mbere Tariki 13, Ukwakira, 2025.
Abarekuwe barashyikirizwa Croix Rouge nayo ibashyire ingabo za Israel kandi hagati aho Hamas yamaze gusohora urutonde rw’abo iri (…)

Imbangukiragutabara zamaze kugeza ku ngabo za Israel abaturage barindwi ba mbere Hamas yari yaratwaye bunyago.

Bagize ikiciro cya mbere cy’abantu 48 barimo 20 bapfuye baguye mu bunyago bwa Hamas.

Irabakirira mu gikorwa kiri bwitabirwe na Perezida wa Amerika Donal Trump uri bugere i Yeruzalemu mu gitondo cyo kuri uyu wa Mbere Tariki 13, Ukwakira, 2025.

Abarekuwe barashyikirizwa Croix Rouge nayo ibashyire ingabo za Israel kandi hagati aho Hamas yamaze gusohora urutonde rw’abo iri burekure.

Bose bari bamaze imyaka ibiri n’iminsi mike bafungiwe muri Gaza aho bajyanywe na Hamas ubwo yagabaga igitero muri Israel Tariki 07, Ukwakira, 2023.

Hagati aho Israel nayo iraha Hamas abantu 1,700 yari ifunze barimo n’abandi 250 bo muri Palestine nabo yari ifungiye imbere mu gihugu.

Donald Trump narangiza kwitabira iryo hererekanya, arerekeza mu Misiri aho ari buhurire n’Abakuru b’ibihugu 20 bakaganira kubyo araba avuye kureba.

Kuri we, intambara iri hagati ya Hamas na Israel yararangiye, gusa haracyari ibindi biganiro biganisha ku irangira ryayo rya burundu bigomba kuba mu gihe kiri imbere.