skol

Abasirikare 20 b’u Burundi bamaze kwitaba Imana

Amakuru   Yanditswe na: SHEMA EMMANUEL 11 February 2022

Amakuru akomeje gucicikana mu bitangazamakuru byo mu Burundi, atangaza ko hari abasirikare b’u Burundi bagera kuri makumyabiri bose bitabye Imana harimo abarohamye mu ruzi rwa Rusizi nkuko byatangajwe.


Kuva mu mpera z’ukwezi kwa Mutarama 2022, hamaze kuboneka imirambo makumyabiri (20) y’abantu bambaye impuzankano y’igisirikare cy’uburundi, bareremba hejuru mu mazi y’uruzi rwa Rusizi, Nkuko byemezwa n’abaturage baba ku misozi itandukanye igize intara ya Cibitoke isanzwe ihana imbibi n’igihugu cya Repubulika iharanira demokarasi ya Congo.

Amakuru aturuka mu gisirikare cy’u Burundi avuga hari bagenzi babo. batwawe n’uruzi rwa Rusizi ubwo bambutsaga abasirikare b’u Burundi bari bamaze ukwezi kurenga muri Congo mu bikorwa byo kurwanya imitwe y’itwaje intwaro irwanya Leta y’u Burundi ibarizwa mu burasirazuba bwa Congo.

Amakuru atangazwa n’ikinyamakuru UBM News, avuga ko ku italiki ya 1 Gashyantare, abasirikare batandatu batwawe N’uruzi rwa Rusizi maze imirambo yabo ikabonwa n’abaturage bo muri komine Rugombo, ku musozi wa kagazi bukeye bwaho ku italiki ya 2 Gashyantare, ireremba hejuru y’urwo ruza rwa Rusizi.

Ayo makuru kandi akomeza avuga ko kuwa 30 Mutarama uyu mwaka, indi mirambo y’Abasirikare b’u Burundi bagera ku icyenda, yabonetse bapfuye muri ubwo buryo, Bikaba byarabereye ku musozi wa Kaburantwa muri komine Buganda.

Ni mugihe andi makuru avuga ko, hari indi Imirambo nanone y’Abasirikare b’u Burundi batanu yabonetse muri iyo komine ya Buganda, ku musozi wa Nyamitanga aho hari ku munsi wa mbere, uwa kabiri n’uwa gatatu nk’uko bivurwa n’abaturage babyiboneye.

Amwe mu mazina yabo basirikare bapfuye bagera kuri batanu akaba ari: Caporal Chef Sinzinkayo Jean de Dieu, Caporal Nduwimana Aron, 2ème classe Ndayikejimana Alexis, Adjudant-Chef Nkeshimana Emmanuel hamwe na 2ème classe Harerimana Jean-Claude.

Ibiro bikuru bya gisirikare bitangaza ko abo basirikare bapfuye. batwawe n’uruzi rwa Rusizi igihe bari mu bwato bwa gisirikare ariko ntibatangaje icyo bakoraga mu mazi yurwo ruzi nkuko byatangajwe.

Author : SHEMA EMMANUEL

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amatora :Uko byifashe mu Bufaransa ku munsi wanyuma wo kwiyamamaza

Kuri uyu Wagatanu tariki ya 8 Mata 2022 niwo munsi wanyuma wo kwiyamamaza...
8 April 2022 0

Congo: Inyeshyamba zongeye kurasa undi musirikare wa MONUSCO

Amakuru aturuka muri Congo ,mu ngabo za MONUSCO aravuga ko undi musirikare...
6 April 2022 0

Bimwe mu bihungu by’u Burayi byatangiye kuvuga ko ibihano byafatiwe u...

Minisitiri w’Intebe wa Pologne, Mateusz Morawiecki, yavuze ko ibihano barimo...
3 April 2022 0

DR Congo: Inyeshyamba za M23 zarekeye imirwano

Ingabo z’inyeshyamba za M23 zimaze iminsi mu mirwano n’ingabo za leta FARDC...
2 April 2022 0

Perezida wa Ukraine yirukanye abayobozi bakomeye bo munzego...

Umukuru w’ihugu cya Ukraine Volodymyr Zelenskiy yatangaje ko yerukanye...
1 April 2022 0