skol
Fortebet

Abasirikare b’u Rwanda 120 n’ibikoresho byabo bageze muri Sudani y’Epfo-AMAFOTO

Amakuru   Yanditswe na: Iyamuremye Janvier 8 August 2017

Kuri uyu wa kabiri tariki ya 08 Kanama 2017 nibwo itsinda ry’abasirikire 120 b’u Rwanda bageze mu mujyi wa Juba mu gihugu cya Sudani y’Epfo aho bagiye mu butumwa bw’amahoro.

Bahageze bafite n’ibikoresho byabo bakaba bari mu cyiciro cya mbere cy’abasirikare ba Loni 4,000 [Ziyongera ku ingabo za Loni 13,000 zisanzwe muri Sudani y’Epfo] .b’inyongera bagiye gufasha kurinda umurwa mukuru w’iki gihugu.

Umuryango w’Abibumbye wemeje kongera ingabo zawo muri Sudani y’Epfo nyuma y’imirwano ikomeye yashyamiranyije ingabo zishinzwe kurinda perezida Salva kiir n’iza Riek Machar.

Imyaka ibaye ine hadutse intambara ihuje abaturage; ni nyuma y’uko perezida Kiir yirukanye ku mwanya wa visi perezida Dr Riek Machar. Kiir na Machar ntibumvikana ahanini unasanga bishingira ku moko bakomokamo.

David Shearer, Intumwa idasanzwe y’Umunyamabanga Mukuru wa Loni muri Sudani y’Epfo, aganira n’itangazamakuru yatangaje ko izi ngabo zageze I Juba mu rwego rwo gufatanya n’iziva muri Nepal na Bangladesh ziri mu mutwe ushinzwe kurinda umurwa mukuru mu Cyongereza bise “regional protection force (RPF)”.

Mu nshingano zikomeye uyu mutwe ufite harimo:Kurinda icyibuga cy’indege, kurinda ibikorwa remezo, kubuza no gukumira uwagaba igitero aho Loni ikorera, kurinda abakozi ba Loni n’abasivili.Ngo bibaye ngombwa banahangana n’ingabo za Leta.

Uyu muyobozi yakomeje avuga ko izi ngabo zizafasha mu gukomeza gusigasira amahoro arambye muri Sundani y’Epfo.

REBA AMAFOTO:




Author : Iyamuremye Janvier

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Papa Francis yasubitse urugendo rwo kuza muri DRC

Umushumba wa Kiliziya Gatolika ku Isi, Papa Francis, yahagaritse urugendo...
10 June 2022 0

Leta y’Uburusiya yamaganye igihuha cyavuga ko Perezida Putin...

Minisitiri w’ububanyi n’amahanga w’Uburusiya Sergei Lavrov yahakanye...
30 May 2022 0

DRC: Hakozwe imyigaragambyo yirukana ambasaderi w’u Rwanda

Kuri uyu wa Mbere tariki ya 30 Girurasi Urubuga rw’abatavuga rumwe...
30 May 2022 0

MINALOC yatanze impamvu umuganda wimuriwe itariki wagombaga...

Minisiteri y’Ubutegetsi bw’Igihugu (MINALOC), iratangaza ko impamvu umuganda...
23 April 2022 0

Amatora :Uko byifashe mu Bufaransa ku munsi wanyuma wo kwiyamamaza

Kuri uyu Wagatanu tariki ya 8 Mata 2022 niwo munsi wanyuma wo kwiyamamaza...
8 April 2022 0

Congo: Inyeshyamba zongeye kurasa undi musirikare wa MONUSCO

Amakuru aturuka muri Congo ,mu ngabo za MONUSCO aravuga ko undi musirikare...
6 April 2022 0