Abagabo batatu bakomoka muri Maroc bakekwaho gusambanya umukobwa w’imyaka 18 wo mu Butaliyani, bikozwe mu kivunge batawe muri yombi.

Ni igikorwa abo bagabo bakoze ku wa 25 Ukwakira 2025 mu gace ka Tor Tre Teste gaherereye mu nkengero z’Umurwa Mukuru wa Roma mu Butaliyani.

Babiri muri abo bagabo bafatiwe mu Murwa Mukuru i Roma, uwa gatatu afatirwa mu Munjyi wa Verona mu Majyaruguru y’u Butaliyani.

Polisi yo mu Butaliyani yavuze mo iri gishaka n’abandi bagize uruhare muri iki gikorwa.

Polisi yavuze ko ubwo mukobwa yari kumwe n’umukunzi we bicaye mu modoka. Aba bagabo batatu bamennye ikirahure bakabakuramo ku ngufu. Babiri mu bagabo bakekwaho icyaha, ngo bafashe umusore w’imyaka 24, mu gihe undi yasambanyaga uyu mukobwa mukobwa.

Aba bagabo bakurikiranyweho ibyaha byo gufata ku ngufu mu itsinda bikorewe mu kivunge no kwiba.

Muri Kanama 2025 umugabo w’imyaka 26 ukomoka muri Gambia yafashwe akekwaho gufata ku ngufu umugore w’imyaka 60.

Uwo mugabo winjiye mu Butaliyani mu 2016 nk’umwimukira, yahawe uburenganzira bwo gutura mu 2023, icyo gihe yari yabwiye Polisi ko yari yasinze ibiyobyabwenge.