Ku wa Gatandatu, tariki ya 6 Kamena 2026, ihuriro AFC/M23 ryatangaje ishyirwaho ry’abayobozi bashya bazayobora Umujyi wa Bukavu, amwe mu makomini awugize, ndetse na teritwari eshanu zo mu Ntara ya Kivu y’Amajyepfo.

Mu itangazo ryasohowe n’iri huriro, Kyalangalilwa Mulondani Nicolas yagizwe umuyobozi mukuru w’Umujyi wa Bukavu (Meya), mu gihe Nyota Luonda Celine yagizwe umwungirije.

Muri Komini ya Bagira, Shaka Muhoza yahawe inshingano zo kuyobora iyo komini nka Burugumesitiri, yungirijwe na Bahaya Leon. Muri Komini ya Ibanda, Mweze Prisca yagizwe Burugumesitiri, naho Mutunwa Mbulanga ahabwa umwanya wo kumwungiriza.

Iri huriro ryatangaje kandi ishyirwaho ry’abayobozi bashya muri Komini ya Kadutu no mu teritwari za Kabare, Idjwi, Kalehe, Walungu, ndetse no mu Mujyi wa Minova.