Perezida Donald Trump wa Leta Zunze Ubumwe za Amerika ari mu mushinga wo guhindura izina rya Minisiteri y’Ingabo muri icyo gihugu, rikava kuri "Department of Defense" rikaba "Department of War" cyangwa se Minisiteri y’Intambara.

Iri zina ni ryo iyi Minisiteri yahoranye nyuma yo gushingwa mu 1789, riza guhinduka mu 1947 nyuma y’Intambara ya Kabiri y’Isi.

Minisitiri w’Ingabo muri icyo gihugu, Pete Hegseth, yavuze ko "Minisiteri y’Intambara" nyuma y’uko Fox News yari imaze gutangaza ko hari umugambi wo guhindura izina ry’iyo Minisiteri.

Mu kwezi gushize, Trump aherutse guca amarenga yo guhindura iri zina, ati "Abantu bose bakunda uburyo twagize intsinzi mu mateka yacu mu gihe [Minisiteri y’Ingabo] yitwaga Minisiteri y’Intambara."

Gusa iri zina rizemezwa binyuze mu Nteko Ishinga Amategeko, Trump akavuga ko adafite impungenge z’uko abasenateri bazatora bemeza iryo tegeko.

Minisiteri y’Ingabo ishobora guhindurirwa izina ikitwa iy’Intambara