Guverinoma ya Cuba yatangaje ko igitero cyo gufata Perezida Nicolas Maduro wa Venezuela cyaguyemo abasirikare bayo 32.

Abasirikare n’abapolisi ba Cuba bari bacunze umutekano mu butumwa bw’ibihugu byo muri Caraïbes bwasabwe na Venezuela.

Cuba isanzwe ari inshuti magara ya Venezuela ndetse mu bihe bitandukanye abasirikare n’abapolisi bayo bajya gufasha mu bikorwa by’umutekano muri iki gihugu.

Perezida Trump na we yemeje ko hari abanya-Cuba benshi baguye muri iki gitero cyo ku wa 3 Mutarama 2026.

Gusa yemeje ko nta musirikare wa Amerika n’umwe waburiye ubuzima mu gitero cyafatiwemo Perezida Maduro n’umugore we ariko urundi ruhande rwatakaje abantu benshi.