Minisitiri w’Intebe wa Australia, Anthony Albanese, yatangaje ko birukanye Ambasaderi wa Iran n’abadipolomate batatu bazira urwango rwibasira Abayahudi.

lbanese yabitangaje ku wa 26 Kanama 2025 mu kiganiro n’abanyamakuru.

Yavuze ko iperereza ryakozwe na polisi y’igihugu n’urwego rw’ubutasi ryagaragaje ibimenyetso byerekana uruhare rw’ingabo zo mu mutwe udasanzwe (IRGC) mu gitero cyagabwe kuri restaurant yatwitswe muri Sydney bivugwa ko ari iy’umuyahudi Ambasaderi Ahmad Sadeghi n’Urusengero (isinagogi) rw’Abayahudi rwatwitswe muri Melbourne.

Albanese yavuze ko hagikorwa iperereza ku ruhare rwa Iran mu bitero bitandukanye byagiye bigabwa mu 2024.

Australia kandi yatangaje ko yahagaritse imirimo ya ambasade yayo i Tehran ndetse igiye kwimurira abadipolomate bayo mu kindi gihugu.

Minisitiri w’Ububanyi n’Amahanga wa Iran, Seyed Abbas Araghchi, abinyujije ku rukuta rwa X yahakanye ibi birego, avuga ko no mu gihugu cyabo harimo Abayahudi benshi n’amasinagogi menshi ku buryo batajya kwibasira ab’ahandi.