Uburaya buremewe mu gihugu cya Dominican Republic ndetse abapolisi basigaye barebera ba mukerarugendo baza muri iki gihugu ku bwinshi baje gusambanya abana b’abakobwa batarengeje imyaka 13 y’amavuko.

Igihugu cya Dominican Republic kiri mu bihugu bigize ibirwa bya Carraibe,cyugarijwe n’ubukene bukabije aho benshi mu baturage bacyo batunzwe n’amafranga ari munsi y’idolari rimwe ,bigatuma benshi mu bana bishora mu busambanyi n’aba mukerarugendo kugira ngo babone ikibatunga.

Candy w’imyaka 17akora uburaya n’aba mukerarugendo kugira ngo atunge umwana we ndetse na barumuna be babana nyuma yo guhunga nyina wamukubitaga buri munsi.

Candy watangiye kuryamana na ba mukerarugendo afite imyaka 14, yinjiza amapawundi 270 mu masaha 5 amara asambana n’umusaza w’Umusuwisi w’imyaka 76 ,waje muri iki gihugu gusambanya abana bato.

Igihugu cya Dominican Republic kiri mu bihugu bifite umubare munini w’abakobwa bicuruza ku isi,nyuma y’aho cyemeye ko uburaya bukorwa ku mugaragaro ndetse umukobwa umwe muri 4 asambana ataruzuza imyaka y’ubukure.

Kubera ko iki gihugu ari ikirwa,kirimo ahantu henshi abantu baruhukira ku mucanga,benshi mu bakobwa baho bambara utwenda dukurura abagabo bituma ba mukerarugendo benshi bo ku isi berekezayo ku bwinshi.

Abana b’abahungu bo muri iki gihugu bavuga ko abatinganyi benshi berekeza muri Dominican Republic gushaka bagenzi babo ndetse bamwe mu bana bakora ubutinganyi kugira ngo babone amafaranga menshi.

Abagore bakuru bo bakora imibonano mpuzabitsina n’abagabo barenga 5 mu ijoro rimwe kugira ngo babone amafaranga nkuko bamwe babitangarije TV yo muri Australia yitwa SBS yakoze iyi nkuru ikayisakaza ku isi yose.

Ba mukerarugendo benshi bashiriye muri Dominican Republic bagiye gusambanya abana bato