skol
Fortebet

Congo: Inyeshyamba zongeye kurasa undi musirikare wa MONUSCO

Amakuru   Yanditswe na: Rebecca UFITAMAHORO 6 April 2022

Amakuru aturuka muri Congo ,mu ngabo za MONUSCO aravuga ko undi musirikare wazo yishwe n’ishyemba mu gitero cyagabwe mu ntara ya Ituri mu burasirazuba bwa Congo.

Ibi bikurikiye abasirikare umunani b’izi ngabo baherutse gupfira mu ndege yahanuriwe i Chanzu muri Rutshuru ahaberaga imirwano y’ingabo za leta n’inyeshyamba za M23 mu cyumweru gishize.

MONUSCO ivuga ko uwo musirikare wiciwe mu gitero cya Ituri kuwa kabiri tariki ya 5 Mata akomoka akomoka mu gihugu cya Nepal.

Umuryango ubungabunga amahoro (ONU) watangaje ko iki gitero ku ngabo zayo cyakozwe n’abakekwa ko ari inyeshyamba za CODECO ahitwa Bali mu karere ka Djugu.

Antonio Guterres umunyamabanga mukuru wa ONU hamwe n’inama yayo ishinzwe umutekano ku isi bamaganye iki gitero gishya.

Umuvugizi wa Guterres witwa Farhan Haq yabwiye abanyamakuru ko "yibutsa ko ibitero ku ngabo z’umuryango w’abibumbye bishobora kugira ibyaha by’intambara".

Farhan avuga ko Geterres yasabye abategetsi ba DR Congo gukora iperereza kuri iki gitero no "kugeza abagikoze mu bucamanza vuba."

Iki gitero kibaye mu gihe iperereza ku iraswa rya kajugujugu ya MONUSCO i Chanzu mu cyumweru gishize ritaravuga abayirashe.

Ingabo za leta n’umutwe wa M23 buri ruhande rwashinje urundi kurasa iyo ndege.

MONUSCO ifite ingabo zoherejwe kubungabunga amahoro muri aka gace zirenga 15,000, nizo nyinshi za ONU ziri ahantu runaka ku isi.

Abatuye mu burazirazuba bwa DR Congo bakomeje kunenga umusaruro wa MONUSCO - iherutse kongererwa igihe kugeza mukwa 12/2022 - basaba ko ubutumwa bwayo burangizwa.

Sorce:BBC

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Papa Francis yasubitse urugendo rwo kuza muri DRC

Umushumba wa Kiliziya Gatolika ku Isi, Papa Francis, yahagaritse urugendo...
10 June 2022 0

Leta y’Uburusiya yamaganye igihuha cyavuga ko Perezida Putin...

Minisitiri w’ububanyi n’amahanga w’Uburusiya Sergei Lavrov yahakanye...
30 May 2022 0

DRC: Hakozwe imyigaragambyo yirukana ambasaderi w’u Rwanda

Kuri uyu wa Mbere tariki ya 30 Girurasi Urubuga rw’abatavuga rumwe...
30 May 2022 0

MINALOC yatanze impamvu umuganda wimuriwe itariki wagombaga...

Minisiteri y’Ubutegetsi bw’Igihugu (MINALOC), iratangaza ko impamvu umuganda...
23 April 2022 0

Amatora :Uko byifashe mu Bufaransa ku munsi wanyuma wo kwiyamamaza

Kuri uyu Wagatanu tariki ya 8 Mata 2022 niwo munsi wanyuma wo kwiyamamaza...
8 April 2022 0

Congo: Inyeshyamba zongeye kurasa undi musirikare wa MONUSCO

Amakuru aturuka muri Congo ,mu ngabo za MONUSCO aravuga ko undi musirikare...
6 April 2022 0