Perezida wa Côte d’Ivoire, Alassane Ouattara, ubwo yashyiragaho guverinoma nshya, yashyizeho umwanya mushya wa Minisitiri w’Intebe wungirije, awushyiramo murumuna we Téné Birahima Ouattara.

Mu ishyirwaho rya guverinoma nshya y’iki gihugu urebye izo ni zo mpinduka zikomeye zabayeho kuko guverinoma hafi ya yose itahindutse, uretse Téné Birahima Ouattara wahawe inshingano zo gufasha kuyobora guverinoma Robert Beugré Mambé wongeye kugirwa Minisitiri w’Intebe.

Téné Birahima Ouattara mbere yo guhabwa izi nshingano yari asanzwe ari Minisitiri w’Ingabo muri iki gihugu, guhera mu 2021.

Nyuma y’ishyirwaho rya guverinoma, Minisitiri w’Intebe Robert Beugré Mambé, yavuze ko gahunda ya guverinoma ari gukomeza imishinga yari ihari no kuyihutisha ndetse no gukomeza gushaka icyateza imbere imibereho myiza y’abaturage.

Alassane Ouattara yatsindiye manda ya kane yo kuyobora Côte d’Ivoire mu matora yabaye ku wa 25 Ukwakira 2025.

Alassane Ouattara ayoboye Côte d’Ivoire kuva mu mu 2011.

Hashyizweho guverinoma nshya muri Côte d’Ivoire