Imwe mu nzu zororerwamo inyanswa z’inkazi m Mujyi wa Aalborg muri Danemark yatangiye gusaba abaturage kuyiha amatungo magufi batagikeneye, kugira ngo ahinduke ibiryo ku nyamaswa z’inkazi.

Amatungo basabwa kujyana arimo inkoko, inkwavu ndetse n’ingurube kuko ari zo zigize igice kinini cy’ibiribwa by’inyamaswa z’inkazi.

Ubuyobozi bw’iyi nzu yororerwamo inyamanswa buvuga ko ayo matungo abanza kwicwa mu buryo buboneye n’abakozi babigize umwuga mbere yo kugaburirwa inyamaswa z’inkazi.

Ibi bituma inyamaswa z’inkazi zibona ibiryo nk’uko byari bimeze mu gasozi ndetse zikagira ubuzima bwiza nk’uko byari bimeze mbere yo kujyanwa muri izi nzu.

Bamwe mu baturage bashyigikiye iyi gahunda bavuga ko bizafasha izi nyamanswa z’inkazi kubona indyo iboneye, mu gihe abandi bavuga ko bidasanzwe kubona amatungo yagaburirwa inyamaswa z’igasozi.

Iyi nzu yororerwamo inyamanswa ya Aalborg ivuga ko gahunda izakomeza mu rwego rwo guteza imbere imibereho myiza y’inyamaswa.