Eritrea yabujije indege ya Ethiopian Airlines kongera gukoresha kirere cyayo kuva ku ya 30 Nzeri 2024, iyishinja ihohoterwa ry’abagenzi n’ibibazo by’imikorere mibi.

Sponsored Ad

Ikigo gishinzwe indege za gisivili cya Eritereya cyatanze ibirego byinshi birimo kwiba imizigo cyo kimwe no kuyitindana ntigerere kuri bene yo ku gihe.Ikindi ni uko iyi kompanyi itanga indishyi zidahagije ku bagenzi bahuye n’impanuka.

Ethiopian Airlines ikora ingendo eshanu buri cyumweru i Asmara. Cyo kimwe na Arabiya Sawudite, Turukiya, na Misiri.

Ubuyobozi bwa gisivili bwa Eritereya bwagize buti: " twahagaritse indege ya Etiyopiya kugira ngo ikosore ibitagenda neza byavuzwe haruguru hamwe n’andi makosa yakorewe abaturage mu ngendo bakoze."

Ni nyuma kandi y’uko mu cyumweru gishize, Ethiopian Airlines yatangaje kandi ko amatike ya Ethiopian agomba kugurwa mu madorari y’Amerika gusa. Aya mabwiriza yateye imbogamizi zikomeye ku bagenzi ba Eritereya bari baguze amatike bakoresheje ifaranga yaho.

Kubera iyo mpamvu rero, ngo ingendo zose zo muri Etiyopiya zerekeza muri leta ya Eritereya zisabwa guhindura icyerekezo zigashaka izindi nzira.Ubuyobozi bwa Ethiopian airlines nabwo bwahakanye amakosa iyi kompanyi ishinjwa,ariko bwongeraho ko buri gukora iperereza.

Ingendo z’indege hagati ya Etiyopiya na Eritereya zasubukuwe mu 2018 nyuma y’imyaka 20 bari batagicana uwaka.