Minisitiri w’Intebe wa Espagne, Pedro Sanchez yatangiye kotswa igitutu n’abaturage bigaragambya basaba ko yegura kubera ibikorwa bya ruswa akomeza kuvugwaho.

Itsinda ry’abigaragambya ryashatse kwinjira ku ngufu ku rugo rwa Minisitiri w’Intebe Pedro Sanchez, mu myigaragambyo yakozwe mu mahoro.

Polisi yahise ita muri yombi abantu batatu bari bambaye ibibahisha isura berekezaga ku rugo rwa Minisitiri w’Intebe.

Abigaragambyaga bari bitwaje ibyapa bisaba Minisitiri w’Intebe kwegura bamwita ‘mafia’. Reuters yanditse ko imyigaragambyo yateguwe n’imiryango itari iya Leta.

Harimo kandi abayobozi bo mu mashyaka atavuga rumwe n’ubutegetsi nka People’s Party na Vox.

Sanchez yari agiye kwegura mu 2024 ubwo umugore we Begoña Gomez yatangiraga gukorwaho iperereza ku birego bya ruswa. Icyo gihe Sanchez yarwanye ku muryango we avuga ko ibyo birego bishingiye ku mpamvu za politiki.<doc184246>