Kuri uyu wa Gatatu, itariki ya 13 Gicurasi 2026, guhera saa moya za mugitondo kugeza nimugoroba, ingabo z’ihuriro ry’ubutegetsi bwa Kinshasa zagabye ibitero by’urugomo byibasiye uturere dutuwe cyane twa Kalingi, Bidegu, ndetse no mu nkengero zaho, bakoresheje ingabo ku butaka, imbunda nini, na drones za kamikaze zo mu bwoko KT-6.

Ibi bitero by’ubugizi bwa nabi byibasiye abaturage b’abasivili, bihitana ubuzima, bitera guhunga ku bwinshi , bisenya amazu n’ibindi bintu, nk’uko byatangajwe na AFC/M23 mu itangazo ryayo.

Muri iri tangazo, AFC/M23 yongeye gushinja ubutegetsi bwa Kinshasa gukomeza nkana politiki yabwo yo guhonyora amasezerano n’ibyo bwiyemeje, kubera kwizera kurindwa no guceceka no gushyigikirwa n’Umuryango Mpuzamahanga.

Uku kudahana gukomeye ngo gutera gukomeza gutera ibisasu, ubwicanyi, n’ubugizi bwa nabi bwinshi bikorerwa abaturage b’abasivili bo mu burasirazuba bwa DRC.