Ubutabera bwa gisirikare muri Repubulika Iharanira Demokarasi ya Congo kuri uyu wa Gatatu bwatangiye kuburanisha urubanza buregamo ibyaha bitandukanye abayobozi bakuru ba AFC/M23.

Urukiko rwa gisirikare rukorera muri Komine Gombe i Kinshasa ni rwo rwatangiye kubaburanisha.

Ubushinjacyaha bubarega ibyaha bitandukanye birimo iby’intambara, kujya mu mutwe wa gisirikare utemewe ndetse n’ubugambanyi bubashinja gukorera mu burasirazuba bwa RDC.

Abantu 25 barangajwe imbere na Corneille usanzwe ari umuhuzabikorwa wa AFC ni bo baregwa muri uru rubanza.

Abandi barimo Gen. Sultani Makenga ukuriye igisirikare cya M23, Lt Col Willy Ngoma usanzwe ari umuvugizi wacyo, Bertrand Bisimwa ukuriye ishami rya Politiki muri M23 na Colonel Byamungu Maheshe Bernard wungirije Makenga.

Abandi ni Safari Bishori Luc, Samafu Makinou Nicaise, Nangaa Baseyane Putters, Nkuba Shebandu Eric alias Malembe, Nkangya Nyamacho, Monkango Nganga Brenda Ilunga Kalonzo André, Tshibimba Kalonji Ange na Maggie Walifetu Henri.

Barimo kandi Biyoyo Josué, Chalwe Munkutu Adam, Alumba Lukamba Omokoko J.P, Tshisola Yannick, Lubanda Nazinda Yvette (umugore wa Corneille Nangaa), Kaj Kayembe Fanny, Mamba Kabamba Jean Jacques, Lubala Ntwali Fabrice, Lawrence Kanyuka, Delion Kimbulungu ndetse n’umunyamakuru Paluku Kavunha Magloire.

Abaregwa baburanishijwe badahari bijyanye no kuba ubutabera bwa RDC butarigeze bubata muri yombi.

Source; Bwiza