George Weah wabaye umukinnyi w’ikirangirire ku isi ndetse mu misni ishize agatorerwa kuyobora Liberia yatangiye kwibasira itangazamakuru ritavuga rumwe nawe aho abayobozi b’inkiko bateye ikinyamakuru kimwe cyo muri iki gihugu bagafunga nyiracyo n’abakozi.
Iki kinyamakuru giherutse gutangaza amakuru anenga Weah n’abambari be,cyahuye n’uruva gusenya aho aba bayobozi b’inkiko binjiraga aho gikorera ku munsi w’ejo bagahita bafunga buri mukozi wacyo wese.
Byinshi mu binyamakuru bikomeye kuri (…)

George Weah wabaye umukinnyi w’ikirangirire ku isi ndetse mu misni ishize agatorerwa kuyobora Liberia yatangiye kwibasira itangazamakuru ritavuga rumwe nawe aho abayobozi b’inkiko bateye ikinyamakuru kimwe cyo muri iki gihugu bagafunga nyiracyo n’abakozi.

Iki kinyamakuru giherutse gutangaza amakuru anenga Weah n’abambari be,cyahuye n’uruva gusenya aho aba bayobozi b’inkiko binjiraga aho gikorera ku munsi w’ejo bagahita bafunga buri mukozi wacyo wese.

Byinshi mu binyamakuru bikomeye kuri uyu mugabane byahise bishyira iyi nkuru ku rupapuro rwa mbere cyane ko bahise bashinja uyu muperezida kuniga ubwisanzure bw’itangazamakuru ndetse no kudaha umudendezo abanyamakuru muri rusange.

Aba banyamakuru batawe muri yombi,biravugwa ko bamaze amasaha menshi imbere y’urukiko rukuru rwa Liberia ruherereye Monrovia kugira ngo biregure ku birego byo gusebya Leta bari bakurikiranweho.

George Weah yarahiriye kuyobora Liberia muri Mutarama uyu mwaka nyuma yo gutsinda uwahoze ari Visi perezida w’iki gihugu Joseph Boakai ku majwi 60 ku ijana.