Kuri uyuwa wa mbere tariki 22 Nyakanga 2024 ku ruganda rwa Skol mu Nzove mu habareye ikiganiro n’Abanyamakuru ku bikorwa ikipe ya Rayon Sport iterwa inking n’uru ruganda iteganya birimo cyane cyane Rayon Sport Week izaganisha kuri Rayon Sport Day ndetse no kwishimira imyanya 10 y’Ubufatanye hagati ya Rayon Sport na Skol!
Ni ikiganiro cyari cyiyobowe na Perezida wa Rayon Sports Uwayezu Jean Fidele wari kumwe n’Umuyobozi wa Skol IVAN Wulffaert.
Muri iki cyumweru cyiswe Rayon Sport Day, (…)

Kuri uyuwa wa mbere tariki 22 Nyakanga 2024 ku ruganda rwa Skol mu Nzove mu habareye ikiganiro n’Abanyamakuru ku bikorwa ikipe ya Rayon Sport iterwa inking n’uru ruganda iteganya birimo cyane cyane Rayon Sport Week izaganisha kuri Rayon Sport Day ndetse no kwishimira imyanya 10 y’Ubufatanye hagati ya Rayon Sport na Skol!

Ni ikiganiro cyari cyiyobowe na Perezida wa Rayon Sports Uwayezu Jean Fidele wari kumwe n’Umuyobozi wa Skol IVAN Wulffaert.

Muri iki cyumweru cyiswe Rayon Sport Day, biteganyijwe ko Rayon Sport izerekana Umutoza uzaza gutoza iyi kipe umwaka utaha w’imikino wa 2024-2025, kwerekana abakinnyi bashya, kumurika imyambaro izakoreshwa n’ibindi.

Umuyobozi wa Skol Ivan Wulffaert, yatangiye ashima ububoyozi bwa Rayon Sport ku bufatanye mu myaka 10 ishize , haba mu bikombe batwaye ndetse n’uburyo ibinyobwa byabo byanywewe cyane nabakunzi biyi ekipe.

Muri iki kiganiro, Rayon Sport yatangaaje ko Umutoza uzatoza iyi kipe umwaka utaha w’imikino ari Robertinyo Oliveira Gonalves bakazamwerekana muri Rayon Sport Week.

Rayon Sport Week iratangira kuri uyu wa 23/07/2024 kizasozwe na Rayon Sport Day taliki 03/08/2024. Muri iki cyumweru hazaba imikino ya gicuti inyuranye. Ku ikubitiro, Rayon Sport izahura n’Amagaju kuri Stade i Huye taliki 24/7/2024 aho kwinjira bizaba ari ubuntu!

Umukino wa kabiri uzaba tariki 27 Nyakanga 2024 Rayon Sports izajya I Musanze aho izahura na Musanze fc, uyu mukino nawo kwinjira bizaba ari ubuntu.

Tariki 26 Nyakanga 2024 hazatangazwa Kapiteni wa Rayon Sports umwaka w’imikino wa 2024-2025.

Tariki 28 Nyakanga 2024 hazashyirwa hanze imyambaro ikipe izifashisha umwaka w’imikino utaha wa 2024-2025.

Tariki 31 Nyakanga 2024 abafana ba Rayon Sports bazahura n’abakinnyi ba bashya ndetse n’abasanzwe baganire ndetse banifotozanye.

Tariki 02 Kanama 2024 hazaba inama itegura umunsi wa Rayon Day.TarIki 03 Kanama 2024 hazaba umunsi wa Rayon Day.

Umuyobozi wa Rayon Sports kandi yatangaje ku mugararo ikipe izahura na Rayon Sport kuri Rayon Sport Day ari AZAM FC yo muri TANZANIA, umukino uzabera kuri Stade Amahoro.

Ntabwo ari ibirori bya Ruhago gusa kuko Rayon Sport izifashisha n’abahanzi bakunzwe mu Rwanda mu gushimisha abafana n’abakunzi bayo. Biteganyijwe ko mu birrari binyuranye bazabonamo abahanzi nka ba Bushali muri Kinya Trap, na ba DJ BRIAN umenyerewe mu kuvanga imiziki hano mu Rwanda.