Igisirikare cya Iran cyatangaje ko cyarashe icyicaro gikuru cy’inyeshyamba z’Aba-Abakurde b’Abanya-Iran mu majyaruguru ya Irak, ibigaragara nko gukaza ibitero ku turere tw’Aba-Kurde haba muri Iran cyangwa Irak.

Mu itangazo ryashyizwe ahagaragara n’ibitangazamakuru bya Leta ya Iran, igisirikare cyavuze ko cyagabye igitero ku “mitwe y’Aba-Kurde irwanya impinduramatwara muri Irak gikoresheje misile eshatu”.

Tehran ikomeje ibitero byibasira imitwe y’Aba-Kurde yo muri Iran na Irak mu gihe bivugwa ko Perezida wa Leta Zunze Ubumwe za Amerika, Donald Trump yifuza kubakoresha mu ntambara yo ku butaka mu kurwanya Iran yatangijwe na Amerika na Israel.

Ku wa Kabiri no ku wa Gatatu, umuntu umwe yarapfuye abandi batatu barakomereka mu bitero ku mitwe ibiri itandukanye y’abatavuga rumwe n’ubutegetsi y’Aba-Kurde nk’uko BBC yabyemeje.