Ikigo cy’Abanyamerika cyiga ku byerekeye isanzure (NASA),cyatangaje ko kigiye gutangira umushinga wo gukora indege ihambaye ifite ubushobozi bwo kugendera ku muvuduko uruta uw’ijwi (supersonic craft), kandi ntihagire urusaku rwumvikana.
Iki kigo cyemeje ko cyamaze guha isoko rya miliyoni 247.5 z’amadolari, ikigo cy’Abanyamerika Lockheed Martin kugira ngo gikore iyi ndege ndetse inzozi z’aba bashakashatsi zibe impamo.
Concorde niyo ndege iheruka gukorwa yari ifite umuvuduko utangaje, (…)

Ikigo cy’Abanyamerika cyiga ku byerekeye isanzure (NASA),cyatangaje ko kigiye gutangira umushinga wo gukora indege ihambaye ifite ubushobozi bwo kugendera ku muvuduko uruta uw’ijwi (supersonic craft), kandi ntihagire urusaku rwumvikana.

Iki kigo cyemeje ko cyamaze guha isoko rya miliyoni 247.5 z’amadolari, ikigo cy’Abanyamerika Lockheed Martin kugira ngo gikore iyi ndege ndetse inzozi z’aba bashakashatsi zibe impamo.

Concorde niyo ndege iheruka gukorwa yari ifite umuvuduko utangaje, kukoyzagenderaga ku muvuduko wa 2,180 km/h, ni ukuvuga hafi inshuro ebyiri ugereranyije n’ijwi, rigendera ku wa 1,192 km/h.

Concorde yakozwe n’Abafaransa bafatanyije n’Abongereza, yatangiye gukoreshwa mu 1976 iza gukurwa ku isoko mu 2003, nyuma y’ibibazo bitandukanye yateje birimo n’ingaruka zaturutse ku mpanuka y’imwe muri zo yabaye mu 2000 igahitana abari bayirimo bose uko ari 109, ndetse n’abandi bane bari ku butaka.

NASA yemeje ko iyi ndege izaba idafite urusaku kandi izaba itwarwa n’umuntu bityo bizayifasha gukora izitwara abagenzi.

NASA siyo gusa ifite umugambi wo kugarura ku isoko indege zihuta cyane kuko Ikigo gitwara abantu n’ibintu mu ndege cya Japan Airlines cyashoye miliyoni 10 z’amadolari mu mushinga nk’uriya wiswe Boom Technologies.

Ikigo cya Spike Aerospace gisa n’ikiri imbere y’ibi bigo bindi kuko giteganya ko mu mpera z’uyu mwaka kizakora igeragezwa rya S-512 Supersonic Jet, nayo ifite umuvuduko uruta uw’ijwi.

Iyi ndege yiswe X-plane cyangwa "Low-Boom Flight Demonstrator", no kuyishyikiriza ishami rya NASA rikora ubushakashatsi ku birebana n’indege (Flight Research Center), bitarenze umwaka wa 2021.