skol

New York: Abarenga 1,400 bakoze imyigaragambo nyuma yokwirukanwa mu kazi bazira kudafata urukingo rwa Covid-19[AMAFOTO]

Amakuru   Yanditswe na: Rebecca UFITAMAHORO 15 February 2022

Ku wa gatanu ushize ku ya 11 Gashyantare 2022, abakozi bo mu mujyi wa New York bagera ku 1430, birukanwe mu kazi bazira ko bananiwe gufata urukingo rwa COVID-19 nkuko bari babisabwe n’Umujyi wa New York, aho usanga umubare munini w’abo bakozi birukanwe bakoraga mu ishami ry’uburezi, nk’uko amakuru yo muri uyu mujyi abitangaza.


Umuyobozi w’umujyi wa New York Eric Adams yagize ati: "Abakozi bo mu mujyi bakoraga bubahirizaga amabwiriza yo kwirinda icyorezo cya Covid-19 , Kwikingira n’ibyaburi wese ndetse n’abanya New York bose". Ati: “Intego yacu yari iyo gukingiza, kutarangiza, kandi abakozi bo mu mujyi bahagurukiye kugera ku ntego bari bahawe”.

Akomeza agira ati ’’Intego yacu ni ugukingirwa si uguhagarika abantu ku mirimo.’’

Mu cyumweru gishize, ihuriro ry’amashyirahamwe arenga 20 yareze uyu mujyi kubera igihe ntarengwa cyo gukingirwa cyari cyahawe abantu, bo bavuga ko bidakwiye. Abatanze ikirego barimo ihuriro ry’abarimu n’ishyirahamwe ry’abashinzwe kuzimya umuriro, n’abandi..

Mu cyumweru gishize kandi, Urukiko rw’ikirenga rwanze kumva ikirego cyo mu Ugushyingo 2021 cyatanzwe n’abarimu b’ i New York, bavugaga ko icyifuzo cyo gukingirwa kibangamiye umudendezo wabo.

Ishyirwaho ry’igihe ntarengwa cyo gukingira abatuye uyu mujyi ryagize ingaruka ku bakozi bagera ku 3.000, aho abasaga 1400 bahise bavanwa mu mirimo ya Leta bakoraga, abandi bikingiza batabishaka kubwo kuramira akazi.


New York Post yanditse ko hari abantu 914 birukanwe mu ishami ry’uburezi, 101 birukanwe mu kigo gishinzwe imiturire mu mujyi wa New York, 75 bo mu ishami ry’ibarurishamibare, 40 bo mu ishami ry’isuku na 36 mu ishami rya polisi rya New York. Bose bazize kwanga gufata inkingo za COVID-19.

Mu mihanda ya New York haragaragara abantu batandukanye bari mu myigaragambyo, aho bakomeje kwamaganira kure ubuyobozi bubahagarika ku mirimo kubera amahitamo yabo yo kutikingiza COVID-19.

Abaturage baravuga ko kwikingiza ari amahitamo y’umuntu.
Refe:commercialobserver.com

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amatora :Uko byifashe mu Bufaransa ku munsi wanyuma wo kwiyamamaza

Kuri uyu Wagatanu tariki ya 8 Mata 2022 niwo munsi wanyuma wo kwiyamamaza...
8 April 2022 0

Congo: Inyeshyamba zongeye kurasa undi musirikare wa MONUSCO

Amakuru aturuka muri Congo ,mu ngabo za MONUSCO aravuga ko undi musirikare...
6 April 2022 0

Bimwe mu bihungu by’u Burayi byatangiye kuvuga ko ibihano byafatiwe u...

Minisitiri w’Intebe wa Pologne, Mateusz Morawiecki, yavuze ko ibihano barimo...
3 April 2022 0

DR Congo: Inyeshyamba za M23 zarekeye imirwano

Ingabo z’inyeshyamba za M23 zimaze iminsi mu mirwano n’ingabo za leta FARDC...
2 April 2022 0

Perezida wa Ukraine yirukanye abayobozi bakomeye bo munzego...

Umukuru w’ihugu cya Ukraine Volodymyr Zelenskiy yatangaje ko yerukanye...
1 April 2022 0