Igitero cy’ubwiyahuzi cyagabwe imbere y’urukiko muri Pakistan cyahitanye abantu 12 abandi 27 barakomereka.

Minisitiri w’Umutekano imbere mu gihugu, Mohsin Naqvi, yatangaje ko umwiyahuzi yari agamije guturitsa inyubako y’urukiko rw’akarere ariko ananirwa kwinjiramo.

Yavuze ko bashyize imbaraga mu gutahura uwagabye igitero kandi ko abo bazasanga babifitemo uruhare bose bazabiryozwa.

Ubuyobozi bwavuze ko uwagabye igitero yaturikirije igisasu hafi y’imodoka ya polisi, bituma hari n’izindi z’abasivile zifatwa n’umuriro.

Magingo aya nta muntu wari wigamba iki gitero ariko Minisitiri w’Intebe wa Pakistani Shehbaz Sharif yashinje umutwe w’iterabwoba bivugwa ko ushyigikiwe n’ubuhinde, kuba ari wo ukiri inyuma.

Umwiyahuzi yaturikije igisasu hafi y’urukiko gihitana abantu 12