Minisitiri w’Ingabo wa Pakistan, Khawaja Muhammad yatangaje ko igihugu cyabo kiri mu ntambara yeruye na Afghanistan, nyuma y’uko iki gihugu cyari kimaze kugaba ibitero bitandukanye muri Pakistan.

Minisitiri Khawaja Muhammad yavuze ko “ukwihangana kwacu kwarangiye.

Ibitero bya Afghanistan byagabwe kuva ku wa 27 Gashyantare byagabwe nyuma y’uko Pakistan yari ishyize ingabo hafi y’umupaka.

Iyi mirwano itangiye mu gihe impande zombi zari zimaze amezi make zemeranyije ku gahenge mu Ukwakira 2025.

Ibiganiro byabaye mu mwaka ushize byasize hatagezwe ku masezerano arambye yo guhagarika intambara, impande zombi zigashinjanya gukerensa ibiganiro.

Abataliban bo muri Afghanistan bavuze ko ibitero byo kwihimura byatangiye saa Munani ku isaha y’icyo gihugu, ndetse bigaruriye ibice 19 byarimo ingabo za Pakistani n’ibirindiro bibiri byabo.

BBC yanditse ko Pakistan na yo yahise isubiza ikoresheje ibitero byinshi mu bice bitandukanye harimo n’ahataturutse ibisasu, ku mupaka wo mu majyaruguru y’uburengerazuba, bituma n’aba-Taliban bakomeza kurasa.

Umuvugizi w’Ingabo za Pakistan, Ahmed Sharif Chaudhry, yavuze ko bishe abasirikare 22 ba Afghanistan n’aba-Taliban 200, ndetse abasirikare 12 ba Pakistan bahasize ubuzima.