skol

Uburusiya: Abasirikare batatu bishwe na mugenzi wabo mu kigo cya gisirikare

Amakuru   Yanditswe na: Dusingizimana Remy 9 November 2020

Umusirikare w’Umurusiya ari gushakishwa kuko akekwaho kwicisha ishoka mugenzi we akanica abandi babiri abarashe, mu kigo cya gisirikare kiri mu majyepfo y’igihugu, nk’uko abakora iperereza babivuga.


Abasirikare bari guhiga uyu mugenzi wabo - witwa Anton Makarov - wo mu kigo cy’ingabo zirwanira mu kirere cya Baltimor ufite ipeti batangiriraho mu gisirikare.

Biravugwa ko kuri uyu wa mbere, amaze kwica mugenzi we amutemaguye n’ishoka, yafashe imbunda ye yo mu bwoko bwa pistol, akarasa bagenzi be babiri bagapfa.

Umusirikare wa kane we yarashwe arakomereka.

Ibiro ntaramakuru RIA Novosti bivuga ko amagana y’abasirikare bo mu mutwe w’ingabo zidasanzwe bari guhiga uyu ukekwaho ubu bwicanyi.

Aho byabereye hitwa Voronezh ni agace kari ku ntera ya 465Km mu majyepfo y’umurwa mukuru Moscow.

Ntabwo haramenyekana impamvu uyu musirikare yaba yakoreye ibyo bagenzi be.

Si ubwa mbere inkuru y’umusirikare urasa bagenzi be yumvikanye, kuko n’u musirikare mu ngabo z’u Rwanda uri mu butumwa bw’amahoro muri Repubulika ya Centrafrique yarashe bagenzi be bane barapfa, anakomeretsa abandi umunani nyuma nawe arwanywa na bagenzi be baramurasa ahita apfa kuwa 8 Kanama 2015

Uyu musirikare yarashe bagenzi be bane anakomeretsa abandi umunani.

Ibi byabaye ari mu gitondo mu masaha ya 5:45 ku isaha y’i Bangui ( 6:45 z’i Kigali) ku cyicaro cy’ingabo z’u Rwanda giherereye ahitwa Socatel M’Poko.

Nyuma yo kwica bane abarashe, uyu musirikare yarwanyijwe na bagenzi be baramurasa nawe ahita apfa nk’uko itangazo ryashyizwe ahagaragara na Minisiteri y’Ingabo icyo gihe ryabitangaje.

Bane mu basirikare bakomeretse bari bakeneye kubagwa, bahise bajyanwa mu bitaro i Bangui ndetse igikorwa cyo kubabaga byemezwa ko cyagenze neza, abandi bane bo bakaba barakomeretse bidakabije, ubuzima bwabo bugenda neza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Lungu wa Zambia yazanzamutse nyuma yo kwitura hasi imbere...

Perezida Edgar Lungu wa Zambia yijeje abaturage ko ameze neza nyuma yo...
14 June 2021 0

Burundi: Perezida Evariste Ndayishimiye yasuye Kenya mu rugendo rwo gutsura...

Mu gihe mu kwezi gutaha azuzuza umwaka umwe ku butegetsi, uru ni uruzinduko...
31 May 2021 0

Perezida John Pombe Magufuli wa Tanzania yatabarutse

John Pombe Magufuli wari Perezida w’Igihugu cya Tanzania, yitabye Imana ku...
17 March 2021 2

Uburusiya: Abasirikare batatu bishwe na mugenzi wabo mu kigo cya...

Umusirikare w’Umurusiya ari gushakishwa kuko akekwaho kwicisha ishoka...
9 November 2020 0

Kaminuza ya Makerere yahiye hari gukorwa iperereza ku cyayitwitse

Polisi ya Uganda irimo gukora iperereza ku cyateye inkongi y’umuriro...
20 September 2020 0

Hamenyekanye itariki nyakwigendera Pierre Nkurunziza bazamushyinguriraho

Guverinoma y’u Burundi yamaze kwemeza ko uwahoze ari Perezida w’iki gihugu,...
21 June 2020 0