SP Ronald Mutabazi wari ushinzwe umutekano w’abayobozi bakuru muri Uganda, yapfuye urupfu rutarasobanuka mu ijoro rishyira kuri uyu wa Gatanu.

Mutabazi yari Umupolisi Mukuru muri Polisi ya Uganda, yabarizwaga mu Ishami rishinzwe kurwanya iterabwoba. By’umwihariko yari Umuyobozi w’agashami gashinzwe umutekano w’abayobozi bakuru, Very Important Persons Protection Unit (VIPPU).

Mu gitondo cyo kuri uyu wa Gatanu nibwo byamenyekanye ko yapfuye, umubiri we usangwa mu rugo rwe.

Ntabwo inzego zishinzwe umutekano ziratangaza amakuru na make agendanye n’urupfu rw’uyu mugabo.