Umupolisi w’umunyamerika yafashwe amashusho ari gukubita amakofe umugore,arangije akurura imisatsi ari hasi mu muhanda,none benshi ku mbuga nkoranyambaga bacitse ururondogoro.

Uyu mupolisi yakuye uyu mugore mu modoka ye arangije amutunga imbunda atangira kumukubita,amugusha hasi arangije amukurura umusatsi aryamye hasi.

Uyu mupolisi utavuzwe amazina,yakubise ibipfunsi uyu mugore mu mutwe agwa hasi ahita amukurura imisatsi amukura mu muhanda wacagamo izindi modoka,amujyana kumufunga.

Aya mashusho yaciye ibintu ku mbuga nkoranyambaga aho amaze gukwirakwizwa inshuro zirenga ibihumbi 23,yafatiwe muri Arizona ndetse benshi mu batuye isi bari kunenga uyu mupolisi ndetse basaba ubuyobozi bwa USA kumuta muri yombi.

Polisi yo muri Arizona yatangaje ko nubwo uyu mugenzi wabo yitwaye nabi yabitewe n’uko yafashe uyu mugore atwaye imodoka nta byangombwa afite arangije ashaka kurwana.

Aba bapolisi bavuze ko mugenzi wabo yatunze uyu mugore imbunda ubwo yashakaga kumurwanya amubwira ko atemera ko ajya kumufunga kubera ibi byaha yari afatiwemo.