Byashoboka ko ari we mwumvise bwa mbere avuga izina ‘Les Lions de Sarambwe’, rishushanya amakare y’abarwanyi b’umutwe witwaje intwaro wa M23 wahagurukiye kurwanira Abanye-Congo bo mu bwoko bw’Abatutsi bari bakomeje kwicwa nabi, abandi bameneshwa, bagahungira mu Rwanda no mu bindi bihugu by’akarere.

Ubu benshi bamutaziriye ‘Quickly Quickly!’, ya magambo yabwiye abacanshuro biganjemo abo muri Romania mu ntangiriro za 2025, ubwo M23 yabirukanaga ku butaka bwa RDC, basubira iwabo i Burayi.

Abazi M23 yo mu 2012 no mu 2013, banyuzwe n’umuhate wa Lt Col Willy Ngoma kuko bamubonyemo umusimbura mwiza wa Col Kazarama Vianney. Yari umunyamurava, akisanga muri bose guhera ku baturage bo hasi kugeza ku bakomeye.

Lt Col Willy Ngoma yiciwe mu gitero cya drone tariki ya 24 Gashyantare 2026

Lt Col Ngoma yajyanaga n’abarwanyi ba AFC/M23 ku rugamba