Igisirikare cya Niger cyatangaje ko cyishe Umuyobozi w’umutwe w’iterabwoba wa Boko Haram, Ibrahim Mahamadu, uzwi cyane ku izina rya ‘Boukura’, mu gikorwa cyabereye ku Kirwa cya Shilawa kiri mu gace ka Diffa.

Ibi ni ibikubiye mu itangazo ryashyizwe hanze rivuga ko Ibrahim Mahamadu yishwe ku wa 15 Kanama 2025.

Riti "Mu gitondo cyo ku wa 15 Kanama, indege y’intambara yarashe ibisasu bitatu ku gace Bakoura yari yarafashe ko muri Shilawa.”

Iki gisirikare kivuga ko Boukura yari amaze imyaka irenga 13 ayoboye uyu mutwe, nyuma y’iyicwa ry’uwari umuyobozi wayo, Abubakar Shekau.

Uyu mutwe watangiye ibikorwa byawo byo guteza umutekano muke mu 2009, utangiriye mu gihugu cya Nigeria, gusa waje kugenda ugaba ibitero mu bindi bihugu bitandukanye birimo Niger, Chad na Cameroun.

Imibare ya Umuryango w’Abibumbye igaragaza ko uyu mutwe umaze kwica abarenga ibihumbi 40, ndetse abandi barenga miliyoni ebyiri bakuwe mu byabo.