Umwana w’umukobwa w’umwaka umwe yabaye umuntu wa gatatu wasuzumwe agasanganwa icyorezo cya Ebola mu mujyi wa Goma uherereye muri Repubulika iharanira demokarasi ya Kongo, nkuko byatangajwe n’abategetsi bo muri uyu mujyi kuwa gatatu.

Sponsored Ad

Amakuru yatangajwe n’aba bayobozi yavuze ko uyu mukobwa wasanganywe Ebola ari umwana w’umugabo wari uyirwaye wapfuye kuwa Kabiri.

Dogiteri Aruna Abedi ushinzwe ibikorwa byo kurwanya Ebola mu ntara ya Kivu y’Amajyaruguru, yabwiye AFP ko gutanga inkingo za Ebola byatangiye i Goma kandi ko aba mbere baruhawe ari ababanye n’uyu murwayi yahitanye.

Kuri uyu wa gatatu hatangajwe ko abantu 15 bashyizwe mu kato mu ntara ya Kivu y’Amajyepfo ahitwa i Butembo, cyane ko bakekwa ko banduye iki cyorezo.

Muri rusange, abantu 1,803 bamaze gutakaza ubuzima bishwe na Ebola mu mibare mishya yatangajwe ejo kuwa gatatu.

Inkuru ya VOA