Itsinda rigizwe n’abagore babarizwa mu mugi wa Goma (Nord-Kivu) bizihije umunsi w’abagore mu isura yo kwigaragambiriza ko igisirikare gihuriwe cya EAC gikurwa byihuse muri Congo.

Itsinda rigizwe n’abagore babarizwa mu mugi wa Goma (Nord-Kivu) bizihije umunsi w’abagore mu isura yo kwigaragambiriza ko igisirikare gihuriwe cya EAC gikurwa byihuse muri Congo.

Bashingira ku kuba mu gihe cy’ukwezi kose izi ngabo zitarabashije guhangana no guhashya umutwe w’inyeshyamba za M23 zigaruriye hafi Kivu ya Ruguru yose.

Abinyujije mu itangazo yasohoye ,Ltc Guillaume Ndjike, nk’umuvugizi wa Guverineri mu bya Gisirikare yasabye abaturage kutibasira ingabo z’akarere mu buryo ubwo aribwo bwose.

Yasobanuye ko abasirikare ba Kenya n’Uburundi baje I Goma gusigasira ubwumvikane bwo guhagarika imirwano Congo yashyizeho umukono.

Yagize ati”Ingabo zitandukanye zoherejwe muri Kivu ya Ruguru ku itegeko rya EAC hagamijwe gukurikirana iyubahirizwa ry’amasezerano ya Luanda na Nairobi yashyizweho umukono n’Abakuru b’ibihugu by’akarere n’icyacu kirimo. Agamije guhosha imvururo no guhuza impande zishyamiranye ngo amahoro arambye aboneke.

Ubutegetsi bw’intara ya Kivu ya Ruguru bwaketse ko abaturage babo baguye mu mutego w’umwanzi w’igihugu cyabo ariwe NDLR uri kugaba ibitero ku ngabo z’akarere.

Constant Ndima nawe yahamagariye abaturage gutuza ahubwo bagafasha igisirikare cya EAC kuzuza inshingano zacyo no gukora akazi kabo ntayandi mananiza abayeho ku butaka bwa Congo.

Radio Okapi