skol
Kigali

Amatora muri US 2020: Biden yatsinze muri Georgia ashimangira intsinzi

Amakuru   Yanditswe na: Dusingizimana Remy 14 November 2020

BBC igaragaza ko Perezida watowe w’Amerika Joe Biden yatsinze muri leta ya Georgia, aba umukandida wa mbere w’umudemokarate utsinze muri iyi leta guhera mu mwaka wa 1992.


Uko gutsinda muri Georgia gushimangiye intsinzi ya Bwana Biden, ubu ugize amajwi 306 y’intumwa zitora - uburyo Amerika ikoresha mu gutora perezida.

Bigaragara ko Perezida Donald Trump atsinda muri leta ya North Carolina, akagira amajwi 232 y’intumwa zitora.

Bwana Trump, kugeza ubu utaremera ko yatsinzwe, ku nshuro ya mbere yabaye nk’uca amarenga ko mu kwezi kwa mbere hashobora kuzaba hariho ubutegetsi bushya.

Agaragara nk’uwigunze, habuze gato ngo Perezida Trump yemere ko yatsinzwe, mu ijambo rya mbere yavuze kuva ibitangazamakuru byo muri Amerika byagaragaza ko yatsinzwe amatora.

Yarivugiye mu itsinda ry’ubutegetsi bwe ryo kurwanya coronavirus.

Ari mu busitani bwa Rose Garden bwo mu nyubako y’ibiro bye bya White House, yavuze ko ubutegetsi bwe butazashyiraho gahunda ya guma mu rugo, muri iki gihe ubwandu bukomeje kwiyongera mu gihugu, yongeraho ati:

"Ikizaba mu gihe kiri imbere icyo ari cyo cyose, ni nde wamenya ubutegetsi buzaba buriho. Ntekereza ko igihe kibiduhishiye".

Perezida Trump, utavuze Bwana Biden mu izina, ntabwo yemeye ko abanyamakuru bamubaza ibibazo.

Hakomeje kwiyongera igitutu kuri Bwana Trump, umurepubulikani, ngo yemere ko Bwana Biden yamutsinze mu matora, no gufasha mu gutegura kujyaho k’ubundi butegetsi.

Georgia na North Carolina ni zo leta za nyuma zigaragajwe uwazitsinzemo muri aya matora ya perezida muri Amerika.

Amajwi y’intumwa zitora Bwana Biden yagize angana n’ayo Bwana Trump yagize ubwo yatsindaga Hillary Clinton mu matora yo mu 2016. Icyo gihe Bwana Trump yavuze ko ari "intsinzi y’ubwiganze bw’amajwi".

Perezida Trump yatanze ibirego mu leta z’ingenzi mu gutsinda amatora. Yavuze ko nta gihamya, ko habayeho uburiganya ahantu henshi. Ariko uyu muhate we wahuye n’ibibazo bitatu ejo ku wa gatanu:

Muri leta ya Arizona, itsinda rye ryakuyeho ikirego gisaba ko hasubirwamo ibarura ry’amajwi y’abatoye ku munsi nyirizina w’amatora, nyuma yuko bigaragaye ko niyo yasubirwamo nta kuntu yaca kuri mukeba we Biden. Iki kirego cyari gishingiye ku bivugwa ko hari amajwi amwe "yemewe n’amategeko" yirengagijwe;

Muri leta ya Michigan, umucamanza yatesheje agaciro ubusabe bw’indorerezi ebyiri z’amatora z’abarepubulikani bwo kubuza kwemeza ibyavuye mu matora mu mujyi wa Detroit. Izo ndorerezi zari zavuze ko habaye uburiganya mu karere ka Wayne;

Mu mujyi wa Philadelphia muri leta ya Pennsylvania, ubusabe bw’itsinda ryamamaje Trump bw’uko amajwi menshi y’abatoye bakoresheje iposita atabarwa bwateshejwe agaciro.

Muri leta ya Georgia, biteganyijwe ko kubarura amajwi bisubirwamo mu buryo bwo kubarura ijwi kuri rindi n’intoki kubera ko amajwi y’abakandida bombi yegeranye, ariko itsinda rya Biden ryavuze ko batiteze ko hari icyahinduka ku ntsinzi yabo muri iyo leta.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibihugu 3 bikomeye ku isi byagiranye amasezerano yo gufatanya guhangana...

Ubwongereza, Amerika na Australia byatangaje ko byagiranye amasezerano...
16 September 2021 0

Nta coup d’état yamara umunsi muri Uganda - Umuhungu wa Perezida...

Umuhungu wa Perezida wa Uganda, Yoweri Museveni, avuga yuko igisirikare...
15 September 2021 1

Minisitiri w’intebe wa Haiti yabujijwe kuva mu gihugu kubera iperereza ku...

Minisitiri w’intebe wa Haïti Ariel Henry yabujijwe kuva mu gihugu mu gihe...
15 September 2021 0

Burundi: Mushiki w’uwari Perezida w’u Burundi Ndadaye yahawe umwanya ukomeye...

Hon.Denise Ndadaye yatorewe kuba visi Perezida wa mbere wa sena nyuma y’aho...
14 September 2021 0

Tanzania: Perezida Samia Suluhu yakoze impinduka muri Guverinoma

Perezida wa Tanzania, Samia Suluhu Hassan yakoze impinduka muri Guverinoma,...
13 September 2021 0

U Rwanda rwanze kwitabira ibiganiro rwari rwatumiwemo na Uganda

Uganda yatumiye u Rwanda mu nama idasanzwe kugira ngo baganire kandi...
11 September 2021 0