skol
Kigali
Fortebet

Amerika yaburiye Ukraine ko Iran itegura guha Ubrusiya indege za drones

Amakuru   Yanditswe na: Joseph Iradukunda 12 July 2022

Iran iritegura guha Uburusiya za ndege zitagira abapirote, zizwi nka drones, zishobora kuba zibarirwa mu majana, mu ntambara yabwo muri Ukraine, zimwe muri zo zikaba zifite ubushobozi bwo gukoreshwa mu ntambara, nk’uko umutegetsi wa Amerika abivuga.


Iran iritegura guha Uburusiya za ndege zitagira abapirote, zizwi nka drones, zishobora kuba zibarirwa mu majana, mu ntambara yabwo muri Ukraine, zimwe muri zo zikaba zifite ubushobozi bwo gukoreshwa mu ntambara, nk’uko umutegetsi wa Amerika abivuga.

Jake Sullivan, umujyanama mu biro bikuru by’umukuru w’igihugu, Maison Blanche/White House, mu by’umutekano w’igihugu avuga ko amakuru Reta Zunze Ubumwe za Amerika yabonye yerekana ko Irani iri gutegura kwigisha ingabo z’Uburusiya gukoresha izi drones.

Avuga kandi ko bitaramenyekana neza niba Irani yaramaze kuzitanga.

Izi ndege zitagira abapirote zifite uruhare runini mu ntambara ikomeje ku mpande zompi, ni ukuvuga kuri Ukraine n’Uburusiya.

Mu cyumweru gishize, Ukraine yasabye imfashanyo y’ibihumbi bya drones kugira ngo ziyifashe mu ntambara yayo.

Avuga kandi ko izi ndege za Irani zitagira abapirote zakoreshejwe mbere y’aho n’inyeshamba z’aba Houthi ba Yemen mu gutera Arabie Saoudite/Saudi Arabia.

Uyu mutegetsi yavuze ibi mbere gato y’uko Perezida Joe Biden wa Amerika asura Israel na Arabie Saoudite muri iki cyumweru.

Nta na kimwe muri ibi bihugu bibiri kirinjira mu bihugu byafatiye ibihano Uburusiya kubera intambara bwatangije muri Ukraine.

Israel ibona igihugu cya Irani nk’akaga gakomeye mu karere, igasaba ko yakurwa ku ikarita bwangu.

Amerika n’inshuti zayo bamaze gufashisha Ukraine ibirwanisho bifite agaciro ka miriyaridi zitari nke z’amadorari y’Abanyamerika kuva igitero gitangiye mu kwa kabiri.

Sullivan avuga ko Amerika izakomeza “gushyigikira cyane igisirikare cya Ukraine”.

Author : Joseph Iradukunda

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Impamvu zitambamira kohereza abimukira mu Rwanda zikomeje kwiyongera

Abaminisitiri bo mu Bwongereza bari bashyigikiye kohereza mu Rwanda abasaba...
17 August 2022 0

DR Congo: Perezida tschisekedi niwe ugiye kuyobora ibihugu SADC

Kuri uyu wa gatatu tariki ya 17-18 kanama 2022, I Kinshasa harabere inama...
17 August 2022 0

Perezida Kagame yashimiye Abanya Kenya uko bitwaye mu matora

Perezida w’u Rwanda, Paul Kagame yashimye uko Abanya-Kenya bitwaye mu bihe...
16 August 2022 0

Kenya: Raila Odinga yiyemeje gufata hasi no hejuru ibyavuye mu matora...

Raila Odinga wari uhanganye na William Ruto mu matora ya Perezida muri...
16 August 2022 0

Perezida Museveni‏ yashimiye William Ruto watorewe kuyobora Kenya

Perezida wa Uganda, Yoweli K Museveni yashimiye William Ruto watorewe...
16 August 2022 0

Ubushinwa buragirwa inama yo kutarakazwa n’itsinda ry’America muri...

Ku nshuro ya kabiri America yohereje irindi tsinda ry’abagize inteko mu...
16 August 2022 0