Arabiya Sawudite iravuga ko imaze kwakira abanyamahanga miliyoni 1.5 mu mutambagiro mutagatifu w’Abayisilamu witwa Hajj.

Hajj ni imwe mu nkingi eshanu za Isilamu. Buri Muyisilamu wese ategetswe kuyikora byibura rimwe mu buzima bwe, iyo afite amagara n’umutungo bibimwemerera. Ni rimwe kandi mu makoraniro ahuza abantu benshi cyane mu madini yose kw’isi.

Hajj y’uyu mwaka izaba izatangira ku wa mbere tariki ya 26 y’uku kwezi kwa gatandatu. Ni iya mbere ibaye nta ngamba zikaze cyane zariho kuva mu 2020 mu gihe cy’icyorezo cya Covid-19.

Arabiya Sawudite yiteguye rero kwakira abantu bo ku rugero rwa mbere. Mu 2019, Abayisilamu miliyoni 2.4 ni bo bakoze umutambagiro mutagatifu, ahanini ubera i Maka.

Hajj 2023 izarangira ku itariki ya mbere y’ukwa karindwi kugiye kuza.