Igihugu cy’u Burundi cyashyizeho Guverinoma nshya iyobowe na Minisitiri w’Intebe mushya Gervais Ndirakobuca,igizwe n’abaminisitiri 15.
Ndirakobuca yagizwe Minisitiri w’Intebe kuri uyu wa Gatatu tariki 7 Nzeri, asimbuye Alain Guillaume Bunyoni washinjwe gushaka guhirika ubutegetsi.
Guverinoma nshya mu Burundi igizwe n’abaminisitiri 15 barimo batanu bashya.
Abaminisitiri bashya barimo Martin Niteretse wagizwe Minisitiri w’Umutekano ari nayo Ndirakobuca yari ayoboye, Audace Niyonzima, (…)

Igihugu cy’u Burundi cyashyizeho Guverinoma nshya iyobowe na Minisitiri w’Intebe mushya Gervais Ndirakobuca,igizwe n’abaminisitiri 15.

Ndirakobuca yagizwe Minisitiri w’Intebe kuri uyu wa Gatatu tariki 7 Nzeri, asimbuye Alain Guillaume Bunyoni washinjwe gushaka guhirika ubutegetsi.

Guverinoma nshya mu Burundi igizwe n’abaminisitiri 15 barimo batanu bashya.

Abaminisitiri bashya barimo Martin Niteretse wagizwe Minisitiri w’Umutekano ari nayo Ndirakobuca yari ayoboye, Audace Niyonzima, wagizwe Minisitiri w’imari, Sanctus Niragira yagizwe Minisitiri w’ubuhinzi n’ubworozi, Dieudonné Dukundane agirwa Minisitiri w’ibikorwaremezo naho Déo Rusengwamihigo aba Minisitiri w’abakozi ba leta.

Albert Shingiro yagumye muri Minisiteri y’ububanyi n’amahanga, Alain Tribert Mutabazi aba Minisitiri w’ingabo naho Domine Banyankimbona aba Minisitiri w’ubutabera.

Guverinoma nshya ishyizweho nyuma y’umwuka mubi hagati ya Perezida Ndayishimiye na Bunyoni wari Minisitiri w’Intebe. Bivugwa ko Bunyoni n’abamushyigikiye batishimiye gahunda ya Ndayishimiye yo guhangana na ruswa mu bayobozi mu gihe we agaragaza ko hari abantu bari bariremereje bagasumba igihugu.

Binavugwa ko hari abaminisitiri bamwe Ndayishimiye yabaga ashaka gukura muri Guverinoma, Bunyoni akabyanga.

Hari amakuru kandi avuga ko uyu Bunyoni yari yarinjiye mu bucuruzi bwa magendu y’ibitenge ndetse ko yari yarashinze kompanyi icuruza lbikomoka kuri peteroli hanze handi mu Burundi abaturage barayibuze.