skol
Kigali

Burundi: Ishyaka CNL rirashinja Leta guhohotera abarwanshyaka baryo babashinja ibinyoma

Amakuru   Yanditswe na: Dusingizimana Remy 5 July 2021

Ishyaka ritavuga rumwe na leta y’u Burundi, CNL, ryasohoye itangazo rivuga ko abarwanashyaka baryo barimo gufatwa mu buryo butumvikana nyuma y’ibitero biheruka i Muramvya n’Imwaro.


Itsinda ry’abantu bataramenyekana ryagabye ibitero mu kwezi gushize n’ukwakubanjirije mu ntara za Muramva na Mwaro, ibitero byatwikiwemo imodoka z’abaturage,abandi benshi bahasiga ubuzima.

Hahise hakurikiraho iperereza, aho abashinzwe umutekano mu Burundi batangaje ko hari n’abafashwe bijyanye n’ibyo bitero.

Muri iryo tanzangazo, CLN ivuga ko itewe impungenge n’uko abafatwa bisa nk’aho bahorwa ishyaka barimo kandi mu bajya kubafata hakaba harimo n’abaturage basanzwe.

Iri shyaka rivuga ko abarwanashyaka baryo bagera kuri 27 aribo bamaze gufatwa kubera icyo kibazo.

Umuvugizi wa CNL, Manirambona Therence, yabwiye BBC Gahuzamiryango ko nta gukeka guhari kuko abafatwa bahorwa ishyaka barimo.

Yagize ati: "Nk’ibi byabaye mu Rutegama,Minisiteri y’umutekano yatubwiye koabagizi ba nabi bateze imodoka saa mbiri z’ijoro. Ariko nyuma y’isaha imwe abarwanashyaka umunani ba CNL bari bamaze gufatwa.

"Umuntu agahita atekereza, ko nta bantu batubwiye ko bafatiwe aho hantu [...] urwo rwego rwo kunyaruka ku iperereza kwaduteye amakenga [...]. Biduteye amakenga kubera ko tubona ko bari kuduhiga."

Bwana Manirambona yakomeje avuga ko hari igihe baza bagafata umuryango wose, umugabo, umugore n’umwana w’imyaka itatu, akibaza icyo babaza umwana ungana gutyo mu iperereza.

Iri tangazo CNL yasohoye ryari rigamije kandi gutera utwatsi ubwicanyi bwahitanye inzirakarengane, ngo kuko mu biciwe muri ibyo bitero harimo n’abarwanashyaka ba CNL.

BBC Gahuzamiryango yavuze ko iri kugerageza kumenya icyo abashinzwe umutekano mu Burundi bavuga kuri ibi birego bya CNL.

Si ubwa mbere Ishyaka CNL rivuga ko abarwanashyaka baryo bafashwe ku mpamvu za politike, mu mwaka ushize mu gihe cyo kwiyamamaza hakaba harafashwe abarwanshyaka baryo.

Abashinzwe umutekano, icyo gihe bavuze ko abafatwa bose haba hari icyo bashinjwa ariko batahorwa ishyaka barimo.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hamenyekanye aho Alpha Condé yajyanywe nyuma yo guhirikwa ku butegetsi...

Agatsiko k’abasirikare bafashe ubutegetsi muri Guinea batangaje ko uwo...
30 November 2021 0

Africa y’Epfo yavuze amagambo akomeye ku byemezo yafatiwe n’ibihugu birimo...

Leta y’u Rwanda yahagaritse by’agateganyo ingendo n’ibihugu icyenda byo muri...
29 November 2021 0

Libya: Umuhungu wa Gaddafi yangiwe kuba umukandida ku mwanya wa...

Umuhungu w’uwahoze ari perezida wa Libya Col Muammar Kadhafi yakuwe ku...
25 November 2021 0

Sudan: Minisitiri w’Intebe agiye gusubizwa ku butegetsi nyuma y’iminsi...

Minisitiri w’Intebe wa Sudani wari aherutse guhirikwa mu kwezi gushize,...
21 November 2021 0

AU yahakanye amakuru yo kwimura ikicaro cyayo muri Ethiopia kikazanwa mu...

Ikinyamakuru La Libre giheruka kwandika ko intambara iri kubera muri...
8 November 2021 0

Malawi: Umudepite wa mbere mu mateka ufite ubumuga bw’uruhu yarahiye

Overstone Kondowe niwe muntu ufite ubumuga bw’uruhu [nyamweru] wa mbere...
5 November 2021 0