skol
Kigali

Chelsea irashaka kungukira ku bukene bwa FC Barcelona ikayiguramo rutahizamu

Amakuru   Yanditswe na: Dusingizimana Remy 7 July 2021

Ikipe ya Chelsea FC yamenye ibibazo ikipe ya FC Barcelona irimo by’uko ishobora kunanirwa kwandikisha abakinnyi bayo bashya bitewe n’umushahara uremereye ihemba ariyo mpamvu yafashe umwanzuro wo kugura rutahizamu wayo Antoine Griezmann.


Ikipe ya FC Barcelone idahagaze neza ku bijyanye n’amikoro, ifite ihurizo ryo gukemura ikibazo cy’umubare w’imishahara ihemba wamaze kurenga uwemewe muri La Liga ariyo mpamvu itemerewe kwandikisha abakinnyi bashya.

Kugira ngo yemererwe kwandikisha abakinnyi bashya iherutse kugura yongereho na Lionel Messi ushobora kongera amasezerano,irasabwa kugurisha abakinnyi ifite bahembwa akayabo.

Ku isonga rero,irashaka kugurisha Antoine Griezmann ariyo mpamvu na Chelsea yasamiye hejuru aya makuru.

Mu rwego rwo kuringaniza ibitabo by’imishahara yabo,FC Barcelona iri kugenda irekura abakinnyi aho barimo Junior Firpo,Trincao n’abandi bagiye,ubu hasigaye Antoine Griezmann.

Iyi kipe irashaka kugurisha kandi FC Barcelone ndetse kuri ubu amaso yayerekeje ku bandi batatu ishobora kugurisha barimo Samuel Umtiti, Philippe Coutinho na Miralem Pjanić kugira ngo ishake uko igabanya miliyoni 171£ ku mishahara yayo.

Chelsea biravugwa ko yemeye kugura Griezmann ndetse yiteguye kumuha nimero 8 cyane ko ngo iyi kipe ititeguye kugarura Ross Barkley uyambara watijwe muri Aston Villa.

Bivugwa kandi ko ubundi buryo buri gutekerezwa ari ukugabanyiriza imishahara abahembwa menshi barimo Gerard Piqué, Jordi Alba, Sergi Roberto, Sergio Busquets, Antoine Griezmann na Ousmane Dembélé.

Abakinnyi bashya FC Barcelona iheruka kugura barimo Sergio Agüero, Memphis Depay, Emerson na Eric García.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

IBYAKOZWE N’INTUMWA EP#49: Ubuzima bwa Gen Bosco NTAGANDA uzwi nk’umwicanyi...

Mu kiganiro IBYAKOZWE N’INTUMWA EP#49 kigaruka ku buzima bw’Indwanyi,Gen...
12 October 2021 0

Perezida wa Taiwan yavuze ko biteguye guhangana n’Ubushinwa

Perezida Tsai Ing-wen avuga ko Taiwan itazagamburuzwa n’igitutu iri kotswa...
10 October 2021 0

Inteko ya EU yamaganye yasabye ko Rusesabagina ahita arekurwa

Inteko ishingamategeko y’Ubumwe bw’Uburayi (EU) kuwa kane yamaganye urubanza...
8 October 2021 0

Guinea: Perezida w’inzibacyuho yashyizeho Minisitiri w’intebe...

Col Mamady Doumbouya ukuriye agatsiko k’abasirikare bahiritse ubutegetsi...
7 October 2021 0

Koreya ya Ruguru irashaka kwiyegereza iy’Epfo ikayitandukanya...

Nyuma y’imyaka ikabakaba ibiri Koreya ya Ruguru iri mu kato karushijeho...
5 October 2021 0

Col Mamady Doumbouya yarahiriye kuba Perezida wa Gineya w’inzibacyuho

Muri Guinea, umukuru w’abasirikare bakoze kudeta, Lieutenant-colonel Mamady...
1 October 2021 0