Col Mamady Doumbouya ukuriye agatsiko k’abasirikare bahiritse ubutegetsi muri Guinea mu kwezi gushize yashyizeho Mohamed Béavogui nka Minisitiri w’intebe w’inzibacyuho iganisha ku butegetsi bwa gisivile.
Bwana Béavogui, w’imyaka 68, ni impuguke mu icungamari ryo mu rwego rw’ubuhinzi.
Afitanye isano na Diallo Telli - wahoze ari umudipolomate wa Guinea wabaye umunyamabanga mukuru wa mbere w’icyari umuryango w’Ubumwe bw’Afurika (OUA), nkuko bitangazwa n’ibiro ntaramakuru bitandukanye.
Kugenwa kwe (...)

Sponsored Ad

Col Mamady Doumbouya ukuriye agatsiko k’abasirikare bahiritse ubutegetsi muri Guinea mu kwezi gushize yashyizeho Mohamed Béavogui nka Minisitiri w’intebe w’inzibacyuho iganisha ku butegetsi bwa gisivile.

Bwana Béavogui, w’imyaka 68, ni impuguke mu icungamari ryo mu rwego rw’ubuhinzi.

Afitanye isano na Diallo Telli - wahoze ari umudipolomate wa Guinea wabaye umunyamabanga mukuru wa mbere w’icyari umuryango w’Ubumwe bw’Afurika (OUA), nkuko bitangazwa n’ibiro ntaramakuru bitandukanye.

Kugenwa kwe kwatangajwe mu itegeko-teka ryasomwe kuri televiziyo y’igihugu ku wa gatatu.

Ku wa gatanu w’icyumweru gishize ni bwo Col Doumbouya yarahijwe nka Perezida w’inzibacyuho.

Ntiyemerewe kwiyamamaza mu matora ari imbere, nkuko bikubiye muri gahunda yo gusubizaho ubutegetsi bwa gisivile.

Yasezeranyije gutegura amatora arimo ubwisanzure, yizewe kandi anyuze mu mucyo, ariko ntiyavuze igihe azabera.

BBC