Nyuma yo kongera kugirirwa icyizere cyo kuyobora Minisiteri y’Ingabo mu gihugu muri Guverinoma ya Suminwa II, Minisitiri w’Ingabo akaba n’Umunyamabanga wa Leta wungirije, Bwana Guy Kabombo Mwadiamvita, yamuritse ingamba eshatu z’ingenzi zizashingirwaho mu nshingano ze nshya.

Mu ntego ze nyamukuru harimo:

Gushyira mu bikorwa gahunda yo kuvugurura ingabo za FARDC 2022–2028,

Gukora ivugurura ryimbitse no guhesha ingabo ibikoresho bigezweho,

Kunoza imibereho myiza y’abasirikare n’imiryango yabo.

Izi nkingi eshatu — imyitozo, ibikoresho, n’amacumbi — ni zo afata nk’umusingi wa gisirikare uzira icyenewabo, ushikamye kandi ushoboye kurengera ubwigenge n’ubusugire bw’igihugu.

Yagize ati: "Ingabo zikomeye zishingira ku basirikare batojwe neza, bafite ibikoresho bihagije kandi babayeho neza," agaragaza ubushake bwe bwo kubaka ingabo zishoboye guhangana n’ibibazo by’umutekano igihugu gihanganye na byo.