skol
Kigali

Ibyitezwe kuganirwaho hagati ya Perezida Ndayishimiye na Tshisekedi

Amakuru   Yanditswe na: Dusingizimana Remy 13 July 2021

Perezida Evariste Ndayishimiye waraye ageze i Kinshasa, uyu munsi aragirana ibiganiro na mugenzi we Félix Tshisekedi wa DR Congo mu ruzinduko yamutumiyemo.


Ni rwo ruzinduko ruzwi Perezida w’u Burundi agiriye i Kinshasa nyuma y’urwo Pierre Buyoya yahakoreye mu 1997.

Ibiro bya perezida w’u Burundi bivuga ko aba bategetsi baza gusinya amasezerano menshi y’ubufatanye mu bikorwa by’iterambere ry’ibihugu byombi.

Ayo arimo umushinga w’inzira ya gari ya moshi ya Uvinza - Musongati - Gitega - Uvira - Kindu, igice cya Gitega-Bujumbura-Uvira-Kindu.

Ndayishimiye araganira na Tshisekedi nyuma y’uko mu byumweru bibiri bishize amutumyeho Minisitiri w’ububanyi n’amahanga Albert Shingiro - nawe bari kumwe i Kinshasa - aho Tshisekedi yari mu mujyi wa Goma.

Uretse imishinga y’iterambere, inyungu za politiki n’ibindi aba bategetsi bashobora kuganira, ikibazo cy’umutekano nacyo gishobora kutabura mu kiganiro cyabo.

Mu ntara ya Kivu y’Epfo ya DR Congo hari imitwe ihakorera y’inyeshyamba zirwanya ubutegetsi bwa Gitega, u Burundi bwagiye butungwa agatoki kwinjiza ingabo zabwo kuyirwanya.

Iyi mitwe yagiye iba indi mpamvu y’amakimbirane hagati y’ubutegetsi bwa Gitega n’ubwa Kigali. Kurangiza ikibazo cyayo byaba ingingo iganirwaho n’aba bategetsi uyu munsi.

Nyuma y’imyaka itanu yashize biboneka ko u Burundi bwiheje mu yandi mahanga, Bwana Ndayishimiye mu mwaka umwe amaze ku butegetsi yakoze ibikorwa byo kuvugurura ububanyi n’amahanga.

Mu ngendo zose hamwe zirindwi amaze gukorera hanze y’igihugu Ndayishimiye amaze gusura Equatorial Guinea, Misiri, Centrafrique, no mu karere Tanzania, Uganda, Kenya na DR Congo.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Sudan: Minisitiri w’Intebe agiye gusubizwa ku butegetsi nyuma y’iminsi...

Minisitiri w’Intebe wa Sudani wari aherutse guhirikwa mu kwezi gushize,...
21 November 2021 0

AU yahakanye amakuru yo kwimura ikicaro cyayo muri Ethiopia kikazanwa mu...

Ikinyamakuru La Libre giheruka kwandika ko intambara iri kubera muri...
8 November 2021 0

Malawi: Umudepite wa mbere mu mateka ufite ubumuga bw’uruhu yarahiye

Overstone Kondowe niwe muntu ufite ubumuga bw’uruhu [nyamweru] wa mbere...
5 November 2021 0

RDC: Abayobozi bakomeye bose basubitse imirimo kugira ngo bajye kwakira...

Perezida FelixTshisekedi yakiriwe n’imbaga y’abaepite n’abandi bantu bakomeye...
4 November 2021 0

"Mutwishyure cyangwa mupfane natwe"-Perezida Chakwera abwira ibihugu bikize...

Perezida wa Malawi yatanze ubutumwa bukomeye ku bihugu bikize kugeza ubu...
1 November 2021 0

Abategetsi bo muri G20 bemeje amasezerano ku musoro ku bigo binini yanditse...

Abategetsi bo mu bihugu 20 bifite ubukungu bukomeye ku isi bemeje...
31 October 2021 0