Bamwe mu bayobozi ba ODM, batahuye ko hari umugambi wo guhitana Raila Odinga, kuko ngo hamaze gutegurwa itsinda riza mwivugana

Baranganjwe imbere na Senateri w’intara ya Siaya, bwana Oburu Odinga, hamwe n’abandi ba rwanashyaka bavuze ko bafite amakuru yemeza ko hari itsinda ryateguwe ryo guhitana Raila Odinga utavuga rumwe na Perezida William Ruto.

Iri tsinda ryateguwe guhitana Odinga, bivugwa ko bazashyira mu bikorwa uwo mugambi wo ku muhitana mu myigaragambyo iteganyijwe mu minsi irimbere.

Uyu Senateri Oburu Odinga, usanzwe ari mukuru wa Raila Odinga, yavuze ko nk’umuryango wabo bafite amakuru yizewe ko hari itsinda ryitwa (OSU) iri tsinda ngo ryatojwe bihagije kuzahitana Odinga ubwo azongera guhirahira ajya mu myigaragambyo.

Ikindi bashingiraho bemeza ko Raila Odinga bazamwivugana, birashingira ku ijambo Perezida William Ruto aherutse kuvuga ko agiye kuzarangiza burundu ikibazo kinjyanye n’abamagana leta, bakurikije iri jambo, ntakabuza Ruto yavugaga ko kugirango imyigaragambyo irekere aho ari ukubanza guhitana Raila Odinga.

Mu mpera z’iki cyumweru, Odinga yashimiye byimazeyo abantu baguye mu myigaragambyo iheruka maze avuga ko ari intwari z’igihugu.