Ibiro by’amatora muri Kenya byafunze Saa kumi zirengaho hakaba hagiye gukurikiraho igikorwa cyo kubarura amajwi.
Ni igikorwa benshi bemeza ko cyabaye mu mahoro n’ituze. Abakandida baza ku isonga muri aya matora ku mwanya w’umukuru w’igihugu ni Raila Odinga na William Ruto.
Biteganyijwe ko ibyavuye mu matora bizatangira gutanganzwa ku munsi w’ejo.
Umwe mu bantu bari muri Kenya yemeje ko umutekano ari wose, abaturage batoye mu mahoro ndetse bafite amatsiko yo kumenya uwatsinze.
Abahataniye uyu (...)

Sponsored Ad

Ibiro by’amatora muri Kenya byafunze Saa kumi zirengaho hakaba hagiye gukurikiraho igikorwa cyo kubarura amajwi.

Ni igikorwa benshi bemeza ko cyabaye mu mahoro n’ituze. Abakandida baza ku isonga muri aya matora ku mwanya w’umukuru w’igihugu ni Raila Odinga na William Ruto.

Biteganyijwe ko ibyavuye mu matora bizatangira gutanganzwa ku munsi w’ejo.

Umwe mu bantu bari muri Kenya yemeje ko umutekano ari wose, abaturage batoye mu mahoro ndetse bafite amatsiko yo kumenya uwatsinze.

Abahataniye uyu mwanya ni David Mwaure wo mu Ishyaka Agano, Raila Odinga w’ihuriro Azimio la Umoja, William Ruto wa United Democratic Alliance na George Wajackoyah wa Roots Party.

Saa kumi n’ebyiri za mu gitondo ku isaha y’i Nairobi muri Kenya nibwo ibiro by’itora byafunguwe. Hamwe na hamwe, abatora bari bahageze hakiri kare ndetse ahandi si ko byari bimeze.

Ugomba gutorwa, agomba ku mwanya wa Perezida agomba kuba yarengeje amajwi 50%.

Komisiyo y’Amatora muri Kenya, yatangaje ko kugera saa sita, Abanya-Kenya bangana na miliyoni 6,5 bari bamaze gutora. Ni umubare ungana na 30,6% by’abatora bose muri rusange.