Abaturage ba Kinshasa bitabiriye imyigaragambyo yabaye kuri uyu wa Kane, itariki 31 Ukwakira 2024, mu Karere ka Tshangu, cyane cyane kuri Boulevard Lumumba.

Sponsored Ad

Iri ni itsinda ry’urubyiruko rwatwitse amapine kandi ruhagarika ibinyabiziga kugirango ruvuge ngo “Oya” ku kugerageza kuvugurura itegeko nshinga kwagaragajwe na Perezida wa Repubulika ya Demokarasi ya Congo, Félix Tshisekedi.

Nyuma y’iminota irenga 30 nk’uko iyi nkuru dukesha mediacongo.net ivuga, abigaragambyaga batatanyijwe hakoreshejwe ibyuka biryana mu maso byarashwe n’abapolisi bo muri squadron mobile.

Bamwe mu bigaragambyaga batawe muri yombi nyuma yo gushaka kurwanya abapolisi.

Uru rubyiruko ntirwagaragaje aho rubogamiye muri politiki, ahubwo rwerekanye ku mugaragaro ko rwamagana inzira y’ishyaka riri ku butegetsi, Union pour la Démocratie et le Progrès Social (UDPS), rishaka kuvugurura itegeko nshinga ngo Tshisekedi azagume ku butegetsi nyuma ya manda ebyiri yemerewe ubu.