skol
Kigali

Perezida Biden yijeje Putin ko bagiye guhangana n’ibitero by’Ikoranabuhanga Abarusiya bari kugaba kuri US

Amakuru   Yanditswe na: Dusingizimana Remy 10 July 2021

Perezida Joe Biden yabwiye Perezida Vladimir Putin ko Ameria izafata "ingamba zikenewe" kugira ngo ihagarike ibitero by’ikoranabuhanga by’Uburusiya(cyber-attacks/Cyber-attaques), nk’uko bivugwa n’ibiro by’umukuru w’igihugu wa Amerika (Maison Blanche/White house).


Nyuma y’ikiganiro aba baperezida bagiranye mu gihe kingana n’isaha kuri telefone, umunyamakuru yabajije Biden niba Uburusiya bushobora kubona ingaruka z’ibi bitero, hanyuma aramusubiza ati: "Yego".

Leta ya Moscou irahakana ibyo birego iregwa na Amerika.

Ikiganiro cy’ejo ku wa gatanu kuri telefone hagati ya Biden na Putin cyaje gikurikira umubonano wabo wo mu kwezi gushize i Genève/Geneva.

Iki kiganiro cyaje kandi mu gihe ibitero by’ikoranabuhanga bigenda byiyongera, harimo kimwe cyahagaritse amakompanyi 1500 muri uku kwezi.

Nyuma y’icyo kiganiro, Biden yabwiye abanyamakuru ati: "Namusobanuriye neza icyo Leta Zunze Ubumwe z’Amerika ziteze, ko mu gihe hazaba hari igitero cy’ikoranabuhanga kivuye ku butaka bwe, nubwo kitaba gishyigikiwe n’ubutegetsi, twiteze ko bazahita bafata imyanzuro mu gihe tuzaba tubahaye amakuru yose".

Umunyamakuru amubajije niba Amerika ishobora kuzatera ububiko bw’ikoranabuhanga (serveurs) bw’imashini zikoreshwa n’aba hackers, yasubije ati: "Yego".

Nyuma y’iki kiganiro cy’ejo ku wa gatanu kuri telefone, Kremlin (ibiro by’umukuru w’igihugu cy’Uburusiya) byavuze ko Amerika itari yarabwiye Moscou kuri ibi bitero by’ikoranabuhanga.

Itangazo ryasohowe n’ibiro bya Perezida Putin rigira riti: "Nubwo ku ruhande rw’Uburusiya twiteguye gukorana nabo mu guhashya ubu bugizi bwa nabi, mu kwezi gushize nta cyifuzo na kimwe twigeze tubona kivuye mu nzego za Amerika".

Umutegetsi wa Amerika utavuzwe izina yahakanye ibivugwa n’Uburusiya, aho yabwiye ibiro ntaramakuru AFP ko ubutegetsi bwa Biden "bwasabye kenshi Uburusiya gufata ingamba".

Iri tangazo rya Kremlin ryongeraHo ko impande zombi zishyigikiye ko haba gukorana kwinshi ku bijyanye n’umutekano mu by’ikoranabuhanga.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

IBYAKOZWE N’INTUMWA EP#49: Ubuzima bwa Gen Bosco NTAGANDA uzwi nk’umwicanyi...

Mu kiganiro IBYAKOZWE N’INTUMWA EP#49 kigaruka ku buzima bw’Indwanyi,Gen...
12 October 2021 0

Perezida wa Taiwan yavuze ko biteguye guhangana n’Ubushinwa

Perezida Tsai Ing-wen avuga ko Taiwan itazagamburuzwa n’igitutu iri kotswa...
10 October 2021 0

Inteko ya EU yamaganye yasabye ko Rusesabagina ahita arekurwa

Inteko ishingamategeko y’Ubumwe bw’Uburayi (EU) kuwa kane yamaganye urubanza...
8 October 2021 0

Guinea: Perezida w’inzibacyuho yashyizeho Minisitiri w’intebe...

Col Mamady Doumbouya ukuriye agatsiko k’abasirikare bahiritse ubutegetsi...
7 October 2021 0

Koreya ya Ruguru irashaka kwiyegereza iy’Epfo ikayitandukanya...

Nyuma y’imyaka ikabakaba ibiri Koreya ya Ruguru iri mu kato karushijeho...
5 October 2021 0

Col Mamady Doumbouya yarahiriye kuba Perezida wa Gineya w’inzibacyuho

Muri Guinea, umukuru w’abasirikare bakoze kudeta, Lieutenant-colonel Mamady...
1 October 2021 0