Perezida wa Senegali, Macky Sall, yasheshe guverinoma yose akoresheje iteka nk’uko itangazo ryasohowe kuwa Gatanu rivuga.

Sall "yahagaritse, mu iteka ryo ku itariki ya 06 Ukwakira 2023, imirimo y’abaminisitiri, abagize guverinoma", nk’uko itangazo ry’Umunyamabanga Mukuru wa Perezida wa Repubulika, Oumar Samba Ba, rivuga.

Itangazo rivuga ko Perezida yafashe icyemezo cyo gushyiraho guverinoma nshya iyobowe na Minisitiri w’Intebe uriho ubu, Amadou Ba.

Ba yagize ati: "Abagize guverinoma nshya bazashyirwa ahagaragara vuba."

Ba kandi ni umukandida w’ihuriro riri ku butegetsi, Benno Bokk Yaakaar (BBY) mu matora ya perezida ateganyijwe mu mwaka utaha wa 2024.

Sall yatangaje ku itariki ya 3 Nyakanga ko atazahatanira manda ya gatatu.