skol
Kigali

Perezida Museveni yihakanye kuba imbarutso y’umubano mubi uri hagati ya Uganda n’u Rwanda

Amakuru   Yanditswe na: Dusingizimana Remy 9 September 2021

Umubano w’u Rwanda n’igihugu cya Uganda usa n’utari hafi gusubira ku murongo kuko abaperezida b’ibihugu byombi batarabasha kumvikana.

Perezida Museveni yaraye avuze ko umubano mubi w’ibi bihugu byombi uva ku ruhande rw’u Rwanda, kandi ko n’imbaraga zo kubumvikanisha zari zihagarariwe na Perezida wa Angola ntacyo zagezeho kubera u Rwanda.

Mu kiganiro yagiranye n’umunyamakuru wa televiziyo France 24, Perezida Museveni yagize ati: "Genda ubaze uwafunze umupaka, si njyewe wawufunze. Twagiranye ibiganiro, hashize igihe,duhujwe na Angola, haciye imyaka mike, sindabona imipaka ifunguwe".

Perezida Museveni yahakanye yivuye inyuma ibyo ashinjwa ku itotezwa akorera abandi yigize ko ari umuyobozi w’akarere.

Ati: "Ntoteza gute? Ni ibiki nkora mu gutoteza? akwiriye kukubwira uburyo dutoteza abandi".

Mu kiganiro aheruka kugirana na Televiziyo Rwanda, Umukuru w’Igihugu yavuze ko kugira ngo ikibazo gikemuka, bisa n’ibikigoranye ndetse ari politiki Uganda yimakaje.

Ati “Bisa n’ibitagabanuka, bisa n’aho ari umurongo wa politiki uriho watanzwe ko ariko bigomba kugenda. Icyo twahisemo twebwe ni ukubireka uko bimeze, tukabirekera ba nyirabyo ngo babikemure.

Twe icyo twakoze ni ukutagirira nabi Abanya-Uganda cyangwa abanyamahanga abo aribo bose ngo kubera ko igihugu cyabo cyatugiriye nabi cyangwa cyagiriye nabi Abanyarwanda.”

Perezida Kagame yavuze ko ntacyo yakora ku munyarwanda wambutse umupaka yerekeza muri Uganda yagerayo akagirirwa nabi ahubwo avuga ko inama yatanga ari uko ntawe ukwiriye kujya muri Uganda.

Hagati aho, Perezida Kagame avuga ko u Rwanda ruri gukora byinshi kugira ngo umubano usubire kugaruka hagati yarwo n’Uburundi mu gihe wasubiye mu buryo na RDC.Muri rusange,Perezida Kagame yavuze ko ibibazo biri hagati y’ibi bihugubituranye n’u Rwanda "bigenda bikemuka" uretse muri Uganda bafashe gahunda yo kwegeka ibibazo bahuye nabyo ku Rwanda.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Turkey irashaka kwirukana ambasaderi wa US n’abandi ba ambasaderi...

Perezida wa Turukiya Recep Tayyip Erdogan yategetse ko ba ambasaderi 10,...
24 October 2021 0

Perezida Biden yemeje ko bazatabara Taiwan Ubushinwa nibwibeshya...

Perezida Joe Biden wa Leta zunze ubumwe za Amerika yavuze ko Amerika...
22 October 2021 0

Barbados yatoye perezida wayo wa mbere mu gihe igiye kuba repubulika

Barbados yatoye perezida wayo wa mbere mu gihe iri kwitegura kuba...
21 October 2021 0

Byinshi ku buzima bwa Muammar Gaddafi waranze amateka ya Libya umaze imyaka...

Imyaka 10 irashize Col Muammar Gaddafi yishwe n’abamurwanya bigaragambije mu...
20 October 2021 0

Umwirabura wa mbere wakuriye ububanyi n’amahanga bwa US yapfuye

General Colin Powell, umwirabura wa mbere wabaye ushinzwe ububanyi...
18 October 2021 0

Perezida Kim Jong-un yarahiye kubaka igisirikare cyo kwivuna imigambi yose...

Perezida wa Korea ya Ruguru yarahiye ko azubaka "igisirikare kidatsindwa"...
12 October 2021 0